హైదరాబాద్, మార్చి 4: మిషన్ భగీరథ పనుల్లో నిర్లక్ష్యంగా వ్యవహరించే వర్క్ ఏజెన్సీలను బ్లాక్ లిస్టులో పెట్టేందుకు వెనకాడమని ఆర్‌డబ్ల్యుఎస్ ఇఎన్‌సి సురేందర్ రెడ్డి హెచ్చరించారు. నల్లగొండ టేయిల్ పాండ్ భగీరథ పనులను శనివారం సురేందర్ రెడ్డి తనిఖీ చేశారు. సూర్యాపేట (ఇమామ్ పేట) 95 మిడ్ ట్రీట్‌మెంట్ ప్లాంట్ నిర్మాణం పనులు నెమ్మదిగా జరగడం పట్ల ఆయన అసంతృప్తి వ్యక్తం చేశారు.

సిద్దిపేట, మార్చి 4 : ఆత్మహత్యకు పాల్పడిన ఎస్‌ఐ చిట్టిబాబు, అతని భార్య భౌతికకాయాలకు శనివారం తిరుమలగిరి (సికిందరాబాద్)లోని లోతుకుంట శ్మశాన వాటికలో అంత్యక్రియలు పూర్తయ్యాయి. ఈ అంత్యక్రియల్లో ఎమ్మెల్యే రామలింగారెడ్డి, పోలీస్ సంక్షేమ సంఘం రాష్ట్ర అధ్యక్షుడు గోపినాథ్‌రెడ్డి తదిరులు పాల్గొని నివాళులర్పించారు.

నిజామాబాద్, మార్చి 4: తెరాస ప్రభుత్వం చేపడుతున్న అభివృద్ధి, సంక్షేమ కార్యక్రమాలను చూసి జీర్ణించుకోలేకపోతున్న ప్రతిపక్ష కాంగ్రెస్ పార్టీ నాయకులు అసత్య ప్రచారాలతో రాజకీయ లబ్ధి పొందేందుకు ప్రయత్నిస్తున్నారని రాష్ట్ర వ్యవసాయ శాఖ మంత్రి పోచారం శ్రీనివాస్‌రెడ్డి దుయ్యబట్టారు. పంటలు ఎండిపోతున్నాయంటూ రైతులను తప్పుదోవ పట్టించి ధర్నాలు చేస్తున్నారని ఆయన విమర్శించారు.

యాదగిరిగుట్ట రూరల్, మార్చి 4: ఉగాది పర్వదినం మార్చి 28నా, 29నా అనే మీమాంసలో పండితులు పురోహితులు ఉన్నారని దృగ్గణిత పంచాంగం ప్రకారం మార్చి 28నే ఉగాదిని నిర్వహించాలని లక్కావఝల సుబ్రమణ్య సిద్ధాంతి స్పష్టం చేశారు.