గోదావరిఖని, ఫిబ్రవరి 4: పని భద్రత... ఆరోగ్య భద్రత... కనీస వేతనాలు... సామ్రాజ్య వాద దోపిడీ విధానాలను ఎదుర్కొంటూ... చట్టబద్ధమైన కార్మిక హక్కుల కోసం ప్రపంచ వ్యాప్తంగా ఉన్న శ్రామిక వర్గమంతా ఐక్యంగా ఉద్యమం చేద్ధామని జర్మనీ, పోలాండ్, పెరు దేశాల కార్మిక సంఘాల ప్రతినిధులు పిలుపునిచ్చారు. ప్రపంచ గని కార్మికుల మహాసభలు శనివారంతో 3వ రోజుకు చేరుకున్నాయి.

హైదరాబాద్, ఫిబ్రవరి 4: ముఖ్యమంత్రి నేతృత్వంలోని అఖిలపక్ష బృందానికి ఇచ్చిన అపాయింట్‌మెంట్‌ను ప్రధాన మంత్రి కార్యాలయం రద్దు చేసింది. 6న అఖిలపక్ష బృందం కలిసేందుకు అపాయింట్‌మెంట్ ఇచ్చారు. దీన్ని రద్దు చేసినట్టు, మరోసారి అపాయింట్‌మెంట్ ఇస్తామని ప్రధానమంత్రి కార్యాలయం ముఖ్యమంత్రి కార్యాలయానికి శనివారం రాత్రి సమాచారం అందించింది.

హైదరాబాద్, ఫిబ్రవరి 4: తెలంగాణ విద్యుత్ రంగానికి మహర్దశ పట్టనుంది. రాష్ట్రప్రభుత్వం ప్రతిష్టాకరంగా చేపట్టిన 1080 మెగావాట్ల భద్రాద్రి థర్మల్ విద్యుత్ ప్రాజెక్టుకు కేంద్ర పర్యావరణ శాఖ అనుమతులు మంజూరు చేసింది. ఈ విషయాన్ని తెలంగాణ జెన్కో సిఎండి దేవులపల్లి ప్రభాకరరావు తెలిపారు. ఈ అనుమతులు రావడం తెలంగాణ విద్యుత్ రంగానికి శుభ సూచకమని, ఇక ప్రాజెక్టు పనులను వేగవంతం చేస్తామని చెప్పారు.

హైదరాబాద్, ఫిబ్రవరి 3: గృహ నిర్మాణానికి కేంద్రం నుంచి రాష్ట్రం వాటాగా 767 కోట్ల రూపాయలు రానున్నాయని, మరిన్ని నిధుల కోసం కేంద్రంపై ఒత్తిడి తీసుకు వస్తామని గృహ నిర్మాణ శాఖ మంత్రి ఎన్ ఇంద్రకరణ్‌రెడ్డి తెలిపారు. కేంద్ర ప్రభుత్వం నుంచి వివిధ పథకాల కింద రాష్ట్ర గృహ నిర్మాణ శాఖకు వచ్చే నిధులపై మంత్రి ఉన్నతాధికారులతో చర్చించారు.