సిద్దిపేట, పిబ్రవరి 2: సమాచార హక్కు చట్టం ద్వారా ప్రజలకు పక్కా సమాచారం అందించటమే లక్ష్యమని తెలుగు రాష్ట్రాల ప్రధాన సమాచార కమిషనర్, రిటైర్డు ఐఎఎస్ అధికారి రతన్ అన్నారు. గత పదేళ్లలో తెలుగు రాష్ట్రాల్లో 10,141 దరఖాస్తులు, అప్పీళ్లను పరిష్కరించినట్లు పేర్కొన్నారు. గురువారం సిద్దిపేట జిల్లా కేంద్రంలోని ఆర్డీఓ కార్యాలయంలో విలేఖరుల సమావేశంలో ఆయన మాట్లాడారు.

హైదరాబాద్, ఫిబ్రవరి 2: పెద్ద నోట్ల రద్దును సమర్థించిన ముఖ్యమంత్రి కెసిఆర్ కేంద్ర బడ్జెట్‌లో రాష్ట్రానికి ఉపయోగపడే ప్రయోజనాలను సాధించలేకపోయారని కేంద్ర మాజీ మంత్రి ఎస్ జైపాల్ రెడ్డి విమర్శించారు. ప్రధాని మోదీని పెద్ద నోట్ల రద్దులో సమర్థించిన కెసిఆర్ తెలంగాణకు ఏమి తెచ్చారని ఆయన ప్రశ్నించారు. కేంద్ర బడ్జెట్ ప్రజలను నిరాశపరిచిందన్నారు.

హైదరాబాద్, ఫిబ్రవరి 2: తెలంగాణ రాష్ట్రంలో అమల్లో ఉన్న సునందినీ పథకానికి సంబంధించి పశుదాణా డబ్బును రైతుల అకౌంట్లకు నేరుగా జమ చేసే ఏర్పాట్లను ప్రభుత్వం చేసింది. ఇందుకోసం ఈ-లాభ్ వెబ్‌సైట్‌ను గురువారం పశుసంవర్థక ప్రత్యేక ప్రధాన కార్యదర్శి సురేష్ చందా ప్రారంభించారు. సునందినీ ఫథకంలో మేలు జాతి పశువులకు రెండు సంవత్సరాల వరకు అవసమైన దాణాకోసం ప్రభుత్వం సబ్సిడీ ఇస్తోంది.

హైదరాబాద్, ఫిబ్రవరి 2: ఎమ్మెల్సీ స్థానాల కోసం టిఆర్‌ఎస్‌లో ముందస్తుగానే ప్రయత్నాలు ప్రారంభం అయ్యాయి. మొత్తం ఏడు స్థానాలు ఖాళీ కానున్నాయి. త్వరలోనే వీటి భర్తీకి నోటిఫికేషన్ వెలువడుతుంది. ఎమ్మెల్యే కోటాలో మూడు స్థానాలు ఖాళీ అవుతున్నాయి. శాసన సభలో బలాబలాల ప్రకారం ఈ మూడూ టిఆర్‌ఎస్‌కే లభించే అవకాశం ఉంది. స్థానిక సంస్థల కోటాలో ఒకటి, టీచర్స్ కోటాలో ఒకటి, గవర్నర్ కోటాలో రెండు స్థానాలు ఖాళీ అవుతాయి.