హైదరాబాద్, జనవరి 12: వరంగల్‌లో ఏర్పాటు చేయబోయే టైక్స్‌టెల్ పార్క్ ద్వారా చేనేత కార్మికులకు ఉపాధి కల్పిస్తామని ముఖ్యమంత్రి కెసిఆర్ హామీ ఇచ్చారు. ఉపాధి కోసం ముంబాయి, భివాండీ, సూరత్‌లకు వలస వెళ్లిన కార్మికులను వెనక్కి రప్పించి స్థానికంగానే ఉపాధి కల్పిస్తామన్నారు.

హైదరాబాద్/జీడిమెట్ల, జనవరి 12: ఓ ఆడ శిశువు మృతదేహాన్ని నాలా లో పడేసిన సంఘటన జీడిమెట్ల పోలీస్‌స్టేషన్ పరిధిలో చోటుచేసుకుంది. పోలీసులు తెలిపిన వివరాల ప్రకారం.. షాపూర్‌నగర్ రైతుబజార్ సమీపంలోని హమాలీ అడ్డా సమీపంలో ఉన్న నాలాలో మృతి చెందిన ఆడ శిశువును గుర్తుతెలియని వ్యక్తులు పడేసి వెళ్లిపోయారు. స్థానికులు గమనించి పోలీసులకు సమాచారం అందించగా మృతదేహాన్ని పోస్టుమార్టం నిమిత్తం మార్చురీకి తరలించారు.

హైదరాబాద్, జనవరి 12: హైదరాబాద్ ఎంపి, మజ్లిస్ పార్టీ నేత అసదుద్దీన్ ఒవైసీ సంచలనమైన ప్రకటన చేశారు. కేంద్రప్రభుత్వం హజ్ యాత్రకు వెళ్లే ముస్లింల కోసం సాలీనా రూ.690 కోట్లను ఖర్చుపెడుతోంది. ఒవైసీ ఈ విషయమై ట్వీట్ చేశారు. కేంద్రం హజ్ యాత్రకు ఇచ్చే సబ్సిడీని రద్దు చేసి, ఆ నిధులు బాలికల విద్యకు ఖర్చుపెట్టాలని ట్వీట్ చేశారు.

హైదరాబాద్, జనవరి 12: రాష్ట్రంలో వసతి గృహాల్లో విద్యార్థులు లేరనే సాకుతో వాటిని మూసివేయాలని చూడటం సరైన ఆలోచన కాదని భారత విద్యార్థి ఫెడరేషన్ (ఎస్‌ఎఫ్‌ఐ) తెలంగాణ రాష్ట్ర అధ్యక్షుడు నాగేశ్వరరావు, కార్యదర్శి కోట రమేశ్ పేర్కొన్నారు. సంక్షేమ వసతి గృహాల్లో కనీస వౌలిక వసతులు కల్పించకుండా విద్యార్థులు చేరడం లేద నే సాకుతో మూసివేత తగదని అన్నారు.