హైదరాబాద్, అక్టోబర్ 24: సచివాలయం కూల్చివేతపై ప్రభుత్వం వేగం పెంచింది. ప్రస్తుత సచివాలయంలోని కార్యాలయాలను వచ్చే నెల 4వ తేదీ వరకు ఇతర కార్యాలయాల్లోకి తరలించాలని ప్రభుత్వ ప్రధాన కార్యదర్శి రాజీవ్ శర్మ వివిధ శాఖల ముఖ్య కార్యదర్శులను ఆదేశించారు. సచివాలయం తరలింపు అంశంపై రాజీవ్ శర్మ ముందు ముఖ్యమంత్రి కె చంద్రశేఖర్‌రావుతో సోమవారం చర్చించారు.

హైదరాబాద్, అక్టోబర్ 24: సైబరాబాద్‌లో ఓ సాఫ్ట్‌వేర్ ఉద్యోగినిపై క్యాబ్ డ్రైవర్, సెక్యూరిటీ సూపర్‌వైజర్ (ఇన్‌చార్జ్) అత్యాచార యత్నానికి పాల్పడిన సంఘటన సోమవారం ఉదయం వెలుగుచూసింది. గతంలో మహిళలపై జరుగుతున్న అఘాయిత్యాల నేపథ్యంలో సాఫ్ట్‌వేర్ కంపెనీల్లో క్యాబ్ డ్రైవర్‌తో పాటు ఓ సెక్యూరిటీ గార్డును ఇచ్చి మహిళలను ఇంటి వద్ద వదిలే చర్యలు చేపట్టారు.

హైదరాబాద్, అక్టోబర్ 24: తెలంగాణ రాష్ట్రంలోని వ్యవసాయ, ఉద్యాన, వెటర్నరీ విశ్వవిద్యాలయాల్లో అండర్ గ్రాడ్యుయేషన్ కోర్సుల్లో చేరే స్పెషల్ క్యాటగిరీ విద్యార్థులకు ఈ నెల 26-27 తేదీల్లో కౌనె్సలింగ్ నిర్వహిస్తున్నారు. 26న ఉదయం 10 గంటలకు డిఫెన్స్ కోటా, మధ్యాహ్నం 2 గంటలకు ఎన్‌సిసి కోటా సీట్లకోసం కౌనె్సలింగ్ జరుగుతుందని జయశంకర్ వ్యవసాయ విశ్వవిద్యాలయం రిజిస్ట్రార్ డాక్టర్ ఎస్. సుధీర్‌కుమార్ తెలిపారు.

హైదరాబాద్, అక్టోబర్ 24: తెలంగాణ రాష్ట్రం మహబూబ్‌నగర్ జిల్లా కొల్హాపూర్ మండలం ఎల్లూరు గ్రామంలోని భూముల్లోకి నవయుగ ఇంజనీరింగ్ కంపెనీకి చెందిన ప్రైవేటు వ్యక్తులు ప్రవేశించకుండా నిరోధించాలని అధికారులను హైకోర్టు ఆదేశించింది.