చండూరు, అక్టోబర్ 21: నల్లగొండ జిల్లా చండూరు మండలం గొల్లగూడెం గ్రామంలో శుక్రవారం సాయంత్రం స్కూల్ వ్యాన్ ఢీకొనడంతో చిన్నారి కడారి పావని (3) దుర్మరణం చెందింది. చండూరు కృష్ణవేణి పాఠశాలకు చెందిన స్కూల్ వ్యాన్ విద్యార్థులను దించేందుకు గొల్లగూడెంవచ్చింది. ఈ నేపథ్యంలో ఇంటి ముందు ఆడుకొంటున్న పావని వ్యాన్ వెనుక చక్రాలకు తగలడంతో తలకు బలమైన గాయాలై అక్కడికక్కడే మృతి చెందింది.

సంగారెడ్డి, అక్టోబర్ 21: పొరుగున ఉన్న భారతదేశంలోని ఆయా రాష్ట్రాల్లో ఉన్న జైళ్ల పనితీరు స్ఫూర్తిదాయకంగా ఉన్నాయని, అదే స్ఫూర్తిని తమ దేశంలోని జైళ్లలో ఆవిష్కరిస్తామని బంగ్లాదేశ్‌కు చెందిన జైళ్ల శాఖ అదనపు ఐజి కల్నల్ ఇక్బాల్, రక్షణ శాఖ డిప్యూటీ సెక్రటరీ షేక్ షకీల్ అహ్మద్‌లు పేర్కొన్నారు. 14 మంది సభ్యులతో ఉన్న ఈ బృందం తెలంగాణలోని చర్లపల్లి, తమిళనాడులోని వేలూరు జైళ్లను సందర్శించారు.

హైదరాబాద్, అక్టోబర్ 21: తెలంగాణ - అస్సాం రాష్ట్రాల మధ్య వివిధ అంశాలపై త్వరలోనే పలు ఒప్పందాలు జరుపుకోనున్నట్టు రాష్ట్ర అటవీ, పర్యావరణ, బిసి సంక్షేమ శాఖ మంత్రి జోగు రామన్న తెలిపారు. అస్సాం రాష్ట్ర అటవీ, ఐటి, సైన్స్ అండ్ టెక్నాలజీ, వాటర్ రిసోర్సెస్ మంత్రి కేశభ్ మహంత వెల్లడించారు.

భద్రాచలం, అక్టోబర్ 21: ఆదివాసీల అమ్మభాషకు గ్రహణం పట్టింది. పాలకుల నిర్లక్ష్యానికి పరాకాష్టగా గిరిజన గూడేల్లో డ్రాపౌట్లు ఏటికేడు పెరుగుతున్నాయి. బడికి దూరమై బతుకుభారమై గిరిపుత్రులు పశువుల కాపర్లుగా మారుతున్నారు. తెలంగాణలో అమ్మభాష ద్వారా గిరిజనులకు పాఠాలు చెప్పాలనే లక్ష్యంతో ఏర్పాటు చేసిన పైలట్ ప్రాజెక్టు మూలనపడింది. పాలకుల అలసత్వం గిరికూనలకు శాపంగా పరిణమించింది.