హైదరాబాద్, అక్టోబర్ 2: రంగారెడ్డి జిల్లాలో కొత్తగా ఏర్పాటు కానున్న శంషాబాద్ జిల్లాకు రంగారెడ్డి జిల్లాగా నామకరణం చేసి, వికారాబాద్ జిల్లాకు మరో పేరు పెట్టాలని ముఖ్యమంత్రి కె చంద్రశేఖర్‌రావు నిర్ణయించారు.

హైదరాబాద్, అక్టోబర్ 2: జిల్లాల పునర్వ్యవస్థీకరణ అత్యంత శాస్ర్తియంగా జరుగుతుందని సిఎం కె చంద్రశేఖర్‌రావు అన్నారు. ముసాయిదాలో ప్రతిపాదించిన జిల్లాలు, డివిజన్లు, మండలాలు మాత్రమేకాకుండా ప్రజాభీష్టం మేరకు మార్పులు చేర్పులు చేయడానికి ప్రభుత్వం సిద్థంగా ఉందని ప్రకటించారు. ప్రతిపాదించిన జిల్లాలు, డివిజన్లు, మండలాలకంటే వాటి సంఖ్య పెంచడానికి ప్రభుత్వానికి ఎలాంటి అభ్యంతరం లేదని స్పష్టం చేశారు.

పాపన్నపేట: మంజీర ప్రవాహం ఉధృతి పెరగడంతో ఎల్లాపూర్ బ్రిడ్జిపై నుండి రాకపోకలను అధికారులు నిలిపివేశారు. ఎల్లాపూర్ బ్రిడ్జిపై నుండి మంజీర పరవళ్లు తొక్కుతూ ప్రవహిస్తోంది. హైదరాబాద్ తదితర ప్రాంతాల నుంచి భక్తులు ఏడుపాయల్లో జరుగుతున్న శరన్నవరాత్రి ఉత్సవాల్లో పాల్గొనడానికి వివిధ వాహనాల్లో పెద్దఎత్తున తరలివచ్చినా ఎల్లాపూర్ వద్దే ఆగిపోతున్నారు.

హైదరాబాద్, అక్టోబర్ 2: తెలంగాణ రాష్ట్రప్రభుత్వం బకాయిలను చెల్లించనందు వల్ల ఆరోగ్యశ్రీ సేవలను కొనసాగించలేకపోతున్నామని, ఆర్ధిక భారంతో తాత్కాలికంగా ఈ సేవలను ఆదివారం నుంచి నిలిపివేస్తున్నట్లు ఆరోగ్యశ్రీ నెట్‌వర్క్ సంఘం నిర్వాహకుడు డాక్టర్ జలపతి రెడ్డి ప్రకటించారు. రాష్ట్రప్రభుత్వం ఆరోగ్యశ్రీ నెట్ వర్క్స్ పరిధిలో దాదాపు 250 ఆసుపత్రులు ఉన్నాయి.