అలంపూర్, అక్టోబర్ 1: అష్టాదశ శక్తిపీఠాలలో ఐదవ శక్తిపీఠమైన మహబూబ్‌నగర్ జిల్లా అలంపూర్ శ్రీ జోగులాంబదేవి అమ్మవారి శరన్నవరాత్రి ఉత్సవాలు అంగరంగ వైభవంగా ప్రారంభించారు. మొదటిరోజు శనివారం గణపతిపూజ, పుణ్యహవచనం, రుత్వివరణం, మహాకలశస్థాపన, సాయం త్రం ధ్వజారోహణ పూజా కార్యక్రమాలను నిర్వహించారు. ఉదయం బాలబ్రహ్మేశ్వరస్వామి ఆలయం నుండి ఇఓ గురురాజ, అర్చకులు మేళతాళాల మధ్య అమ్మవారి ఆలయానికి చేరుకున్నారు.

హైదరాబాద్, సెప్టెంబర్ 30: తెలంగాణలో మైనారిటీ రెసిడెన్షియల్ స్కూల్స్‌కు కేంద్రం వంద కోట్ల రూపాయలు మంజూరు చేసింది. రాష్ట్రంలో 12వందల కోట్ల రూపాయల వ్యయంతో 120 మైనారిటీ కాలేజీల నిర్మాణం చేపట్టామని, దీనికి కేంద్రం సహకరించాలని ఉప ముఖ్యమంత్రి మహమూద్ అలీ ఇటీవల కేంద్ర మైనారిటీ సంక్షేమ శాఖను కోరారు.

హైదరాబాద్, సెప్టెంబర్ 30: నాగార్జున సాగర్ ఆధునీకరణ పనులు వేగంగా సాగుతున్నాయి. ఇప్పటికే 90శాతం పనులు పూర్తయ్యాయి. మిగిలిన పనులు సత్వరం పూర్తి చేసి ఎడమ కాలువ ద్వారా అదనంగా లక్షా 50వేల ఎకరాలకు సాగునీటిని అందించాలని ప్రభుత్వం నిర్ణయించింది. నాగార్జున సాగర్ ఎడమ కాలువ పనులపై కాడా కమీషనర్ డాక్టర్ మల్సూర్, సాగర్ సిఇ సునీల్ నీటిపారుదల శాఖ మంత్రి తన్నీరు హరీశ్‌రావుకు శుక్రవారం నివేదిక అందజేశారు.

ఇందూర్, సెప్టెంబర్ 30: బతుకమ్మ వేడుకలకు ప్రపంచ ఖ్యాతి తీసుకువచ్చే కార్యక్రమంలో భాగం గా తెలంగాణ జాగృతి అధ్యక్షురాలు కవిత శుక్రవారం యునైటెడ్ అరబ్ ఎమిరేట్స్‌లో బతుకమ్మ పండుగ నిర్వహించారు. ఉమ్ ఆల్ క్వయిన్‌లో అక్కడి తెలుగు మహిళలతో కలిసి ఎంపి కవిత రంగురంగుల పూల తో బతుకమ్మను అలంకరించి, ఆడి పాడి వైభవంగా పండుగ జరుపుకున్నారు.