హైదరాబాద్ : పాతబస్తీ మాదన్నపేటలో పోలీసులు బుధవారం కార్డన్ సెర్చ్ నిర్వహించారు. ఆరుగురు రౌడీషీట్లర్లతోపాటు ముగ్గురు అనుమానితులను అదుపులోకి తీసుకున్నారు. వారి నుంచి 7 మారణాయుధాలను స్వాధీనం చేసుకున్నారు. అనంతరం వారిని పోలీస్ స్టేషన్కు తరలించారు. సరైన పత్రాలు లేని 44 బైకులతోపాటు మూడు ఆటోలను సీజ్ చేశారు. సౌత్జోన్ డీసీపీ సత్యనారాయణ ఆధ్వర్యంలో 250 మంది పోలీసులు కార్డన్ సెర్చ్లో పాల్గొన్నారు.

హైదరాబాద్, ఆగస్టు 16: వర్షాకాలం ముగిసేలోగా హరితహారం కార్యక్రమ లక్ష్యాన్ని పూర్తి చేయాలని కలెక్టర్లను ప్రభుత్వ ప్రధాన కార్యదర్శి రాజీవ్ శర్మ ఆదేశించారు. సచివాలయం నుంచి మంగళవారం కలెక్టర్లతో రాజీవ్ శర్మ వీడియో కాన్ఫరెన్స్ నిర్వహించారు. హరితహారంలో నాటిన మొక్కల సంరక్షణకు ప్రత్యేక ప్రాధాన్యత ఇవ్వాలని సూచించారు. థర్డ్ పార్టీతో ఎప్పటికప్పుడు తనఖీలు చేయించి లోటుపాట్లను సరిదిద్దాలని సిఎస్ సూచించారు.

హైదరాబాద్, ఆగస్టు 16: రైతులను నిండా ముంచిన కాంగ్రెస్ పార్టీకి రైతుల గురించి మాట్లాడే అర్హత లేదని మంత్రులు, టిఆర్‌ఎస్ ఎంపిలు, ఎమ్మెల్యేలు ధ్వజమెత్తారు. ఒకవైపు ప్రాజెక్టులు అడ్డుకుంటూ మరోవైపు రైతు గర్జనలా అని నిలదీశారు. మంత్రులు తన్నీరు హరీశ్‌రావు, జగదీశ్‌రెడ్డి, జూపల్లి కృష్ణారావు, ఎంపిలు వినోద్, కవిత, బాల్క సుమన్ వేరువేరుగా మాట్లాడారు.

హైదరాబాద్, ఆగస్టు 16: ప్రపంచ బ్యాంకు నిధులతో చేపట్టిన తాగునీటి పథకాలను మిషన్ భగీరథతో అనుసంధానించాలని పంచాయితీరాజ్ స్పెషల్ చీఫ్‌సెక్రటరీ ఎస్పీ సింగ్ అధికారులకు ఆదేశించారు. ఆదిలాబాద్, కరీంనగర్, మహబూబ్‌నగర్, జిల్లాల్లో వరల్డ్ బ్యాంకు నిధులతో చేపట్టిన తాగునీటి పథకాల పురోగతిపై సచివాలయంలో ఎస్‌పి సింగ్ చర్చించారు.