హైదరాబాద్: మాల, మాదిగల మధ్య అంతరం పెరగడం మంచిదికాదని, సమస్య ఇప్పటికిప్పుడు పరిష్కారం అవుతుందని చెప్పలేమని తెలంగాణ పొలిటికల్ జేఏసీ చైర్మన్ ప్రొ. కోదండరాం వ్యాఖ్యానించారు. ఎస్సీ వర్గీకరణ న్యాయ సమ్మతమైనదేనని స్ఫష్టం చేశారు. అందరం ఐక్యంగా పోరాడి ప్రభుత్వాన్ని ఒప్పించాలని కోదండరాం చెప్పారు.

హైదరాబాద్: తెలంగాణలో ప్రధాన మంత్రి నరేంద్ర మోదీ పర్యటన నేపథ్యంలో 3 వేల మంది పోలీసులతో మూడంచెల భద్రతను ఏర్పాటు చేశారు. గజ్వేల్‌, హైదరాబాద్‌ ఎల్బీస్టేడియంలోని సభా ప్రాంగణాలను ఎన్‌ఎస్‌జీ అధికారులు పరిశీలించారు. బాంబుస్క్వాడ్‌, డాగ్‌స్క్వాడ్‌తో సోదాలు నిర్వహించారు. ఎల్బీస్టేడియం పరిసర ప్రాంతాల్లో నిషేధాజ్ఞలు విధించారు. 8 ప్రాంతాల్లో వాహనాలు మళ్లించనున్నారు.

మహబూబ్‌నగర్ : మహబూబ్‌నగర్ జిల్లా పెబ్బేరు మండలం గుమ్మడంలో రైతులు పెట్టిన విషం గుళికలు తిని 40 జింకలు చనిపోయాయి. మొక్కజొన్న పంటను పురుగుల బారి నుంచి రక్షించుకునేందుకు కొందరు రైతులు మొదళ్ల వద్ద శుక్రవారం రాత్రి విషం గుళికలను చల్లారు. సమీపంలోని అటవీప్రాంతం నుంచి వచ్చిన జింకలు గడ్డితోపాటు గుళికలను కూడా తినేశాయి. విష ప్రభావానికి లోనై దాదాపు నలబై జింకలు చనిపోయాయి.

హైదరాబాద్: కృష్ణా పుష్కరాల సందర్భంగా నల్గొండ, మహబూబ్‌నగర్ జిల్లాల్లో పుణ్యస్నానాలు ఆచరించేందుకు వచ్చే భక్తులకు ఎలాంటి అసౌకర్యాలు కలగకుండా పకడ్బందీ ఏర్పాట్లు చేయాలని సిఎం కెసిఆర్ దేవాదాయ మంత్రి ఇంద్రకరణ్‌రెడ్డిని ఆదేశించారు. అధికారులు, ప్రజాప్రతినిధులు పుష్కరాల ఏర్పాట్లను పర్యవేక్షించాలన్నారు.