హైదరాబాద్/నాచారం, ఆగస్టు 5: ఉస్మానియా యూనివర్సిటీలో పరిశోధనా రంగానికి పెద్దపీట వేస్తూ శతాబ్ది ఉత్సవాలతో ప్రపంచఖ్యాతిని అర్జిస్తామని వైస్ చాన్స్‌లర్ వి రామచంద్రం అన్నారు. వైస్ చాన్స్‌లర్‌గా నియమితులైన సందర్భంగా శుక్రవారం పరిపాలనా భవనం ఐసిఐసిఆర్ హాల్‌లో ఏర్పాటు చేసిన విలేఖరుల సమావేశంలో మాట్లాడుతూ విద్యార్థులకు, అధ్యాపకులకు మధ్య స్నేహపూర్వక సంబంధం కొనసాగేలా అధ్యాపకులు కృషి చేయాలని సూచించారు.

హైదరాబాద్, ఆగస్టు 5: సంస్కృతం, తెలుగు భాషల్లో పండితులు, ప్రభుత్వ సలహాదారు కెవి రమణాచారి తండ్రి అయిన కె రాఘవాచారి(90) శుక్రవారం హైదరాబాద్‌లో కన్నుమూశారు. పాదుకా సహస్రం సంస్కృత గ్రంధానికి రాఘవాచారి వ్యాఖ్యానం ప్రఖ్యాతి చెందింది. పలు సంస్కృత గ్రంథాలకు రాఘవాచారి వ్యాఖ్యానాలు చేశారు. తెలుగులోనూ పలు గ్రంథాలు ఆయన రచించారు. భాగవత సంప్రదాయాలను చివరి వరకు పాటించారు.

హైదరాబాద్, ఆగస్టు 5: నిర్మాణం పూరె్తై ఎంతోకాలంగా గృహ ప్రవేశాల కోసం ఎదురు చూస్తున్న వేలాది గృహాలకు ఎట్టకేలకు మోక్షం లభించింది. వేలం ద్వారా ఇళ్లను విక్రయించాలని ప్రభుత్వం నిర్ణయించింది. వందల కోట్ల రూపాయల పెట్టుబడితో నిర్మించిన గృహాలను చాలాకాలంగా ఎవరికీ కేటాయించకుండా వదిలేశారు. 3,718 ప్లాట్లను ఈ-వేలం ద్వారా విక్రయించాలని ప్రభుత్వం నిర్ణయించింది.

హైదరాబాద్: ఎస్సీ వర్గీకరణపై నగరంలో శుక్రవారం జరిగిన చర్చా వేదికలో ఉద్రిక్తత చోటు చేసుకుంది. బషీర్‌బాగ్‌లోని పిజి లా కాలేజీలో చర్చావేదిక ప్రారంభం కాగానే మాల సంక్షేమ సంఘం కార్యకర్తలు తెలంగాణ జెఎసి కన్వీనర్ ప్రొఫెసర్ కోదండరామ్‌ను నిలదీశారు. చర్చావేదికను వ్యతిరేకిస్తున్న వీరు నిర్వాహకులతో గొడవ పడ్డారు. ఈ నేపథ్యంలో ప్రొఫెసర్ గాలి వినోద్‌కుమార్ తలకు గాయం కాగా వెంటనే ఆయనను ఆస్పత్రికి తరలించారు.