హైదరాబాద్, ఆగస్టు 3: ప్రధాని నరేంద్ర మోదీ పాల్గొనే బహిరంగ సభ విజయవంతం కావాలని బిజెపి రాష్ట్ర నాయకులు గురువారం సుదర్శన యాగం నిర్వహించనున్నారు. ప్రధాని రాక సందర్భంగా బిజెపి ఈ నెల 7న ఎల్‌బి స్టేడియంలో భారీ ఏర్పాట్లు చేస్తున్నది. బిజెపి ఎమ్మెల్యే చింతల రామచంద్రారెడ్డి నేతృత్వంలో ఈ యాగం ఉదయం 10 గంటల నుంచి మధ్యాహ్నం ఒంటి గంట వరకు జరగనున్నది.
కేంబ్రిడ్జి ఇంగ్లీష్‌తో ‘టాస్క్’ ఒప్పందం

హైదరాబాద్, ఆగస్టు 3: తెలంగాణ రాష్ట్ర ప్రభుత్వానికి హైకోర్టులో చుక్కెదురైంది. రైతులనుంచి నేరుగా భూములు కొనుగోలు చేసే ఉద్దేశంతో రాష్ట్ర ప్రభుత్వం జారీ చేసిన జీవో123ను కొట్టివేస్తూ హైకోర్టు బుధవారం తీర్పునిచ్చింది. ప్రాజెక్టుల నిర్మాణానికి భూసేకరణ ప్రక్రియ వేగవంతం చేయాలనే ఉద్దేశ్యంతో రాష్ట్ర ప్రభుత్వం 2015 జూలై 30న జీవో 123 జారీ చేసిన విషయం తెలిసిందే.

హైదరాబాద్, ఆగస్టు 3: రాష్ట్రంలో కొలువుల జాతర కొనసాగుతోంది. వరుస నోటిఫికేషన్లు జారీ చేస్తున్న ప్రభుత్వం తాజాగా మరో 1700 పోస్టుల భర్తీకి గ్రీన్ సిగ్నల్ ఇచ్చింది. తెలంగాణ ప్రభుత్వం సాంఘిక గురుకుల పాఠశాలలు, డిగ్రీ కాలేజీల్లో 1794 పోస్టుల భర్తీకి గ్రీన్‌సిగ్నల్ ఇచ్చింది. గతంలో ఆమోదించిన 758 పోస్టులకు ఇవి అదనంగా భర్తీ చేయనున్నట్టు అధికారులు పేర్కొన్నారు.

హైదరాబాద్: 123 జీవోను హైకోర్టు కొట్టివేయడాన్ని తాము స్వాగతిస్తున్నామని, ఇది రైతులు, రైతు కూలీల విజయమని టీపీసీసీ చీఫ్ ఉత్తమ్‌ కుమార్ రెడ్డి అన్నారు. 123 జీవో రద్దు సందర్భంగా గాంధీభవన్‌లో కాంగ్రెస్‌ సంబరాలు నిర్వహించింది. హైకోర్టు తీర్పుతో కేసీఆర్ కళ్ళు తెరవాలని ఉత్తమ్ సూచించారు.