కోహెడ, ఆగస్టు 2: పెంచి పెద్ద చేసి ప్రేమానురాగాలు పంచాల్సిన తండ్రి కన్న కొడుకును కడతేర్చాడో ఓ కసాయి. సంఘటన కరీంనగర్ జిల్లా కోహెడ మండలంలోని కూరెళ్లలో మంగళవారం వెలుగు చూసింది. వివరాలు ఇలా ఉన్నాయి.. కోనవేని సంజీవ్ అనే వ్యక్తి తన కొడుకు రంజిత్ (12)ను పథకం ప్రకారం ముందే హతమార్చి తన తన ట్రాక్టర్ కేజివీల్ కింద పడిపోయి ప్రమాదవశాత్తు చనిపోయాడని కట్టుకథ అల్లే ప్రయత్నం పోలీస్ విచారణలో తేలింది.

మెదక్, ఆగస్టు 2: కేంద్ర మాజీ మంత్రి జైపాల్‌రెడ్డికి ప్రాజెక్టులపై అవగాహన లేదని భారీ నీటిపారుదల శాఖ మంత్రి తన్నీరు హరీషరావు విమర్శించారు. మంగళవారం మెదక్ సాయిబాలాజీ గార్డెన్‌లో జరిగిన మెదక్ నియోజకవర్గ తెరాస కార్యకర్తల విస్తృత సమావేశంలో ఆయన కాంగ్రెస్ సీనియర్ నేత జైపాల్‌రెడ్డిపై ధ్వజమెత్తారు.

కొండపాక, ఆగస్టు 2: తమకు ప్రభుత్వం న్యాయం చేస్తుందని, ప్రతిపక్షాలు రాజకీయం చేయవద్దని ఎర్రవల్లి భూనిర్వాసితులు గ్రామ సమీపంలో నోటీసుబోర్డు వేశారు. మంగళవారం మండలంలోని ముంపు గ్రామమైన ఎర్రవల్లిలో నిర్వాసితులంతా భూములు ఇచ్చేందుకు సంసిద్దంగా ఉన్నామని, తమ గ్రామానికి ప్రతిపక్షాలు వచ్చి గొడవలు సృష్టిస్తూ రాజకీయాలు చేయవద్దని హెచ్చరికలు జారీచేశారు.

హైదరాబాద్, ఆగస్టు 2: ఎంసెట్-2 లీకేజీపై వ్యవహారంలో సంబంధిత మంత్రులను బర్తరఫ్ చేయాలని తెలంగాణ ప్రదేశ్ కాంగ్రెస్ కమిటీ నాయకులు రాష్ట్ర గవర్నర్‌ను కోరారు. మంగళవారం టి.పిసిసి అధ్యక్షుడు కెప్టెన్ ఎన్ ఉత్తమ్‌కుమార్ రెడ్డి అధ్యక్షతన పార్టీ నేతలు గవర్నర్ నరసింహన్‌ను కలిసి ఎంసెట్ లీకేజీపై, మల్లన్న సాగర్‌లో నిర్భంధంపై వేర్వేరుగా వినతి పత్రాలు అందజేశారు.