హైదరాబాద్‌: ఎంసెట్‌-3 పరీక్ష సెప్టెంబర్‌ 11న నిర్వహించనున్నట్లు తెలంగాణ ఉన్నత విద్యామండలి ప్రకటించింది. ఉదయం 10 గంటల నుంచి మధ్యాహ్నం 1 గంట వరకు పరీక్ష నిర్వహించనున్నట్లు వెల్లడించింది. జేఎన్‌టీయూ రిజిస్ట్రార్‌ యాదయ్యను ఎంసెట్‌-3 కన్వీనర్‌గా నియమించారు.

కరీంనగర్‌: నకిలీ బంగారం అమ్ముతున్న ముగ్గురు ముఠా సభ్యులను కరీంనగర్‌ పోలీసులు మంగళవారం అరెస్ట్ చేశారు. నిందితుల్లో కర్నూలుకు చెందిన మాజీ కానిస్టేబుల్‌ ఉన్నట్లు పోలీసులు తెలిపారు. ముఠా నుంచి 3 లక్షల నగదు, మూడు బంగారం నాణేలు, 10 సెల్‌ఫోన్లు స్వాధీనం చేసుకున్నారు.

హైదరాబాద్‌: ఎంసెట్‌-2 లీకేజీ వ్యవహారంలో మంత్రులు కడియం శ్రీహరి, లక్ష్మారెడ్డి, ఉన్నత విద్యామండలి ఛైర్మన్‌ను బర్తరఫ్‌ చేయాలంటూ మంగళవారం ఉదయం కూకట్‌పల్లి జేఎన్‌టీయూ వద్ద ఏబీవీపీ ఆధ్వర్యంలో విద్యార్థులు నిరాహార దీక్ష చేపట్టారు. ఎంబీబీఎస్‌, బీడీఎస్‌లో ప్రవేశాల కోసం నిర్వహించిన తెలంగాణ ఎంసెట్‌-2 ప్రశ్నపత్రం లీకైన విషయం తెలిసిందే.

హైదరాబాద్: ఎంసెట్-2 పేపర్ లీకేజీపై దాఖలైన పిటిషన్‌పై విచారణను ఉమ్మడి హైకోర్టు ఈరోజు మధ్యాహ్నం రెండున్నర గంటలకు వాయిదా వేసింది. లేకీజీపై ప్రభుత్వ నిర్ణయాన్ని తెలపాలంటూ తెలంగాణ అడ్వకేట్ జనరల్‌ను కోర్టు ఆదేశించింది. ప్రభుత్వ స్పందనను చూశాకే ఈ కేసులో విచారణ చేపడతామని న్యాయస్థానం స్పష్టం చేసింది.