గద్వాల, జూలై 19: తెలంగాణ రాష్ట్రానికి ముఖ్యమంత్రి కె.చంద్రశేఖర్‌రావు గాడ్సేగా తయారయ్యారని, నడిగడ్డ ప్రజల ఆకాంక్షల సాధన కోసం మహబూబ్‌నగర్ జిల్లా గద్వాల జిల్లా ఏర్పాటే లక్ష్యంగా జములమ్మ ఆశీర్వాదంతో జయకేతనం ఎగురవేద్దామని ఎమ్మెల్యే డికె అరుణ, అలంపూర్ ఎమ్మెల్యే సంపత్‌కుమార్ అన్నారు. మంగళవారం జములమ్మ ఆలయంలో పూజలు నిర్వహించి పాదయాత్రకు వారు బయలుదేరారు.

హైదరాబాద్, జూలై 19: కాళేశ్వరం ప్రాజెక్టును రికార్డు సమయంలో పూర్తి చేసేందుకు యాక్షన్ ప్లాన్ సిద్ధమైంది. మరో ఐదు రోజుల్లో ప్రాజెక్టు సంబంధించి నిర్మాణ ఒప్పందాలు పూర్తి చేస్తారు. 18 నెలల్లో ప్రాజెక్టును పూర్తి చేసేలా సిద్ధమైన ప్రణాళికను నీటిపారుదల మంత్రి తన్నీరు హరీశ్‌రావు మంగళవారం సంబంధిత శాఖ అధికారులతో సమీక్షించారు.

హైదరాబాద్, జూలై 19: కొత్త జిల్లాలు, మండలాల ఏర్పాటు ప్రక్రియ ఊపందుకోవడంతో వీటిని అభివృద్ధి కేంద్రాలుగా తీర్చిదిద్దే చర్యలపై ప్రభుత్వం దృష్టిసారించింది. ప్రస్తుతం అమలులో ఉన్న టౌన్ అండ్ కంట్రీ ప్లానింగ్ చట్టంలో సమూల మార్పులతో ముసాదాను సిద్ధం చేస్తోంది. టౌన్ ప్లానింగ్ తరహాలో విలేజి ప్లానింగ్ చట్టం-2016 (గ్రామ ప్రణాళిక చట్టం) రూపొందించడంలో పట్టణ ప్రణాళికశాఖ కసరత్తు మొదలు పెట్టింది.

హైదరాబాద్: తెలంగాణ ఎంసెట్-2 పేపర్ లీక్ అయినట్టు విచారణలో తేలితే దోషులపై కఠిన చర్యలు తప్పవని తెలంగాణ వైద్య, ఆరోగ్య మంత్రి లక్ష్మారెడ్డి మంగళవారం తెలిపారు. లీకేజీ ఆరోపణలపై సమగ్ర విచారణకు ఆదేశాలు జారీ చేసినట్టు చెప్పారు.