మెదక్ రూరల్, జూలై 16: రెండేళ్లలో పట్టాల నిర్మాణ పనులు పూర్తిచేసి మెదక్‌కు రైలు వచ్చేలా చేస్తామని భారీ నీటిపారుదల, శాసనసభ వ్యవహరాల శాఖ మంత్రి తన్నీరు హరీష్‌రావు అన్నారు. శనివారం మెదక్ మండలం పాతూర్ సమీపంలో అక్కన్నపేట-మెదక్ రైల్వేలైన్ పనులకు డిప్యూటీ స్పీకర్ ఎం.పద్మాదేవేందర్‌రెడ్డి ఆధ్వర్యంలో పార్లమెంట్ సభ్యుడు కొత్త ప్రభాకర్‌రెడ్డితో కలిసి హరీష్‌రావు భూమిపూజ నిర్వహించి పనులు ప్రారంభించారు.

హైదరాబాద్, జూలై 16: హరిత హారం కార్యక్రమంలో గిరిజన విద్యా సంస్థలు, కార్యాలయాలను భాగస్వామ్యం చేయాలని గిరిజన అభివృద్ధి, పర్యాటక శాఖ మంత్రి అజ్మీరా చందూలాల్ అధికారులను ఆదేశించారు. పచ్చదనంలో ప్రథమ స్థానంలో నిలిచే విద్యా సంస్థలకు ప్రత్యేక ప్రోత్సాహకాలు అందించాలని అధికారులను ఆదేశించారు. శనివారం సచివాలయంలో గిరిజన సంక్షేమ శాఖ అధికారులతో ఆయన సమావేశం అయ్యారు.

కొత్తగూడెం, జూలై 16: ఖమ్మం జిల్లా కొత్తగూడెంలోని పివికె-5 ఇంక్లైన్ భూగర్భగని వద్ద బోర్‌వెల్ వేసే ప్రక్రియను అధికారులు శనివారం ప్రారంభించారు. భూపాలపల్లి, సింగరేణి ఎక్స్‌ప్లోరేషన్ డిపార్ట్‌మెంట్లకు సంబంధించిన రెండు బోర్‌వెల్ రిగ్‌లతో పనులను మొదలుపెట్టారు.

నారాయణఖేడ్ జూలై 16: విద్యాబోధన నేర్పించే ప్రిన్సిపాల్ విద్యార్థుల పట్ల అసభ్యకరంగా వ్యవహరించడంతో డైట్ కళాశాలలో ద్వితీయ సంవత్సరం చదువుతున్న ఒక యువకుడు మన స్తాపానికి గురై చెట్టు ఉరివేసుకుని ఆత్మహత్యకు పాల్పడ్డాడు. ఈ సంఘటన మెదక్ జిల్లా ఖేడ్ మండలం తుర్కాపల్లి గ్రామ పంచాయతీలోగల గిరిజన తండాల్లో శనివారం చోటుచేసుకుంది. ఇందుకు సంబంధించిన కుటుంబీకులు తెలిపిన కథనం ప్రకారం వివరాలు ఇలా ఉన్నాయి.