హైదరాబాద్, జులై 2: మజ్లిస్ పార్టీని నిషేధించి, ఆ పార్టీ అధ్యక్షుడు, లోక్‌సభ సభ్యుడు అసదుద్దీన్ ఒవైసీని అరెస్టు చేయాలని బిజెపి ఎమ్మెల్యే ఎన్‌విఎస్‌ఎస్.ప్రభాకర్ రాష్ట్ర ప్రభుత్వాన్ని డిమాండ్ చేశారు. తీవ్రవాదులకు న్యాయ సహా యం అందిస్తామని అసదుద్దీన్ ప్రకటించడం విచారకరమని ప్రభాకర్ శనివారం విలేఖరుల సమావేశంలో ఆందోళన వ్యక్తం చేశారు.

కోరుట్ల, జూలై 2: కరీంనగర్ జిల్లా కోరుట్ల పట్టణంలోని మద్దుల చెరువు కట్ట నిర్మాణం పనుల్లో శనివారం చెరువు కట్ట కింద జరుగుతున్న తవ్వకాల్లో శ్రీరాముని విగ్రహం బయల్పడింది. దేవుడి విగ్రహం బయట పడడంతో చెరువు తవ్వకం చేపట్టిన నిర్వాహకులు వెంటనే పనులను నిలిపివేసారు. ఈ వార్త పట్టణంలో దావానలంలా వ్యాపించడంతో ప్రజలు తండోప తండాలు తరలి వచ్చి విగ్రహానికి ప్రత్యేక పూజలు చేసారు.

హైదరాబాద్, జూలై 2 : తెలంగాణ రాష్ట్రంలోని ప్రైవేట్ ఆసుపత్రులకు దశలవారీగా ఆరోగ్యశ్రీ బకాయిలు చెల్లించాలని ప్రభుత్వం నిర్ణయించింది. రాష్ట్ర వైద్య, ఆరోగ్య శాఖ మంత్రి డాక్టర్ సి.లక్ష్మారెడ్డి సమక్షంలో శనివారం ప్రైవేటు ఆసుపత్రుల సంఘానికి, ప్రభుత్వానికి మధ్య జరిగిన చర్చలు సఫలమయ్యాయి.

హైదరాబాద్: ఆస్తి గొడవల నేపథ్యంలో సొంత అన్నపైనే ఓ తమ్ముడు దాడి చేసి అతని గొంతుకోసిన ఘటన నగరంలోని గాంధీనగర్‌లో శనివారం జరిగింది. ఆస్తి కోసం అన్న శ్రీ్ధర్ యాదవ్, తమ్ముడు శేఖర్ యాదవ్‌ల మధ్య ఎప్పటిలాగే మాటామాటా పెరిగింది. కోపంతో ఊగిపోయిన తమ్ముడు శేఖర్ అన్న శ్రీ్ధర్ గొంతును కత్తితో కోశాడు. వెంటనే స్థానికులు జోక్యం చేసుకుని శ్రీ్ధర్‌ను ఆస్పత్రికి తరలించారు.