హైదరాబాద్, జూన్ 30: మహానగరవాసుల చిరకాల స్వప్నమైన మెట్రోరైలు ప్రాజెక్టు మేనేజింగ్ డైరెక్టర్ డా.ఎన్వీఎస్‌రెడ్డి పదవీ కాలాన్ని మరో ఏడాది పాటు పొడిగిస్తూ తెలంగాణ ప్రభుత్వం ఉత్తర్వులు జారీ చేసింది. కేంద్ర ప్రభుత్వం రంగ ఐఆర్‌ఏఎస్ శాఖకు చెందిన ఎన్వీఎస్‌రెడ్డి వాస్తవానికి ఆయన గురువారం పదవీ విరమణ చేయాల్సి ఉన్నా, ప్రభుత్వం ఆయనకు గడువు ఇవ్వటంతో వచ్చే సంవత్సరం జూన్ 30 వరకు ఆయన అదే పదవీలో కొనసాగనున్నారు.

హైదరాబాద్: తెలంగాణ ఆర్టీసీ గుర్తింపు యూనియన్ ఎన్నిక కోసం కార్మిక శాఖ కమిషనర్తో గురువారం కార్మిక నేతలు సమావేశమైయ్యారు. వచ్చె నెల 19న ఈ యూనియన్ గుర్తింపు ఎన్నికలు జరుగనున్నాయి. అదే రోజు ఫలితాలు విడుదల చేస్తారు. అదేవిధంగా జులై 25, 26 తేదీల్లో పోస్టల్ ఓట్లు ఉంటాయి. ఆగస్టు 8న అధికారకంగా తుది ఫలితాలను విడుదల చేస్తామని ఆర్టీసీ ఎన్నికల రిటర్నింగ్ అధికారి గంగాధర్ వెల్లడించారు.

హైదరాబాద్: నగరంలోని సనత్‌నగర్‌లో రిటైర్డు పోలీసు అధికారి హరీష్ చంద్ర కుటుంబ సభ్యులతో కలిసి ఊరికి వెళ్లగా అతని ఇంట్లో దొంగలు చొరబడి 30 తులాల బంగారు నగలు, పట్టుచీరలు, విలువైన ఎలక్ట్రానిక్ సామగ్రిని దొంగలు దోచుకున్నారు. గురువారం ఉదయం స్థానికులు ఈ విషయాన్ని కనుగొని పోలీసులకు సమాచారం అందించారు. హరీష్‌చంద్ర తిరిగి ఇంటికి వస్తేగానీ చోరీ ఏ మేరకు జరిగిందో చెప్పలేమని పోలీసులు అంటున్నారు.

హైదరాబాద్: దేశంలోని ప్రధాన నగరాల్లో దాడులకు ఉగ్రవాదులు వ్యూహరచన చేస్తున్నట్టు కీలక సమాచారం అందడంతో శంషాబాద్‌లోని రాజీవ్‌గాంధీ అంతర్జాతీయ విమానాశ్రయంలో గురువారం నుంచి ప్రత్యేక తనిఖీలు ప్రారంభించారు. వారం రోజులపాటు పోలీసులు హై అలర్ట్ ప్రకటించారు. వచ్చే నెల ఆరవ తేదీ వరకూ ఎయిర్ పోర్టులోకి సందర్శకులను అనుమతించేది లేదని, అన్నిరకాల పాసులను నిలిపివేస్తున్నట్టు అధికారులు చెప్పారు.