హైదరాబాద్: ఫీజులు తగ్గించాలని అడిగినందుకు తమ పిల్లలకు ఓ విద్యా సంస్థ టీసీలు ఇచ్చి పంపడంపై తల్లిదండ్రులు ఆందోళనకు దిగారు. సికింద్రాబాద్ మహేంద్ర హిల్స్‌లోని అమృత విద్యాలయం వద్ద గురువారం నాడు విద్యార్థుల తల్లిదండ్రులు, వారికి మద్దతుగా విద్యార్థి సంఘాల నేతలు ధర్నాకు దిగారు. పరిస్థితి ఉద్రిక్తంగా మారడంతో పోలీసులు జోక్యం చేసుకుని ఆందోళనకారులను అదుపులోకి తీసుకున్నారు.

హైదరాబాద్: క్రమశిక్షణా రాహిత్యానికి పాల్పడ్డారన్న అభియోగంపై న్యాయశాఖకు చెందిన నలుగురు ఉద్యోగులపై ఉమ్మడి హైకోర్టు గురువారం నాడు సస్పెన్షన్ వేటు వేసింది. హైకోర్టు ఏర్పాటుకు, ఆంధ్రా జడ్జిల ఆప్షన్ల రద్దుకు తెలంగాణ న్యాయవాదులు, న్యాయాధికారులు కొద్ది రోజులుగా ఆందోళనలు చేస్తున్న సంగతి తెలిసిందే.

హైదరాబాద్: ఎపి, తెలంగాణల్లో గురువారం జరిగిన వేర్వేరు రోడ్డు ప్రమాదాల్లో పదిమంది మృత్యువాత పడ్డారు. ప్రకాశం జిల్లాలో ఆరుగురు, మెదక్ జిల్లాలో నలుగురు ప్రాణాలు కోల్పోయారు. మెదక్ జిల్లా రుద్రారం వద్ద వేగంగా వెళుతున్న లారీ ఓ బైక్‌ను ఢీకొనడంతో ఒకరు మరణించగా అక్కడ ట్రాఫిక్ స్తంభించింది. ట్రాఫిక్ నెమ్మదిగా కదులుతుండగా ఓ ఆటోను లారీ ఢీకొంది.

హైదరాబాద్, జూన్ 29: సింగపూర్‌లోని ఏస్టార్ (ఏజన్సీ ఫర్ సైన్స్, టెక్నాలజీ అండ్ రీసర్చ్) కంపెనీతో తెలంగాణ ప్రభుత్వం ద్వైపాక్షిక ఒప్పందం కుదుర్చుకునేందుకు అంగీకారం కుదిరింది. తెలంగాణలో పరిశ్రమలు, ఐటి తదితర రంగాల్లో పెట్టుబడులను ఆకర్షించేందుకు రాష్ట్ర ఐటి, పరిశ్రమల మంత్రి కె. తారకరామారావు (కెటిఆర్) సింగపూర్‌లో పర్యటిస్తున్నారు. ఈ సందర్భంగా బుధవారం ఆయన ఏస్టార్ కంపెనీ ప్రతినిధులతో సమావేశమయ్యారు.