హైదరాబాద్, జూన్ 28: రాష్ట్రంలో వివాదాస్పదంగా మారిన సదావర్తి సత్రం భూముల కొనుగోల్‌మాల్‌పై చంద్రబాబు ప్రభుత్వాన్ని ఇరుకునపెట్టేందుకు, వైఎస్సార్ కాంగ్రెస్ పార్టీ హిందూ కార్డును ప్రయోగించేందుకు సిద్ధమవుతోంది. దాదాపు వెయ్యి కోట్ల రూపాయల విలువయ్యే తమిళనాడులోని సదావర్తి సత్రం దేవాలయ భూముల పరిరక్షణకు నడుం బిగించాలని కోరుతూ పీఠాథిపతులు, మఠాథిపతులకు లేఖలు రాయాలని నిర్ణయించుకుంది.

హైదరాబాద్ : మంగళవారం తొమ్మిదిమంది న‍్యాయమూర్తులపై హైకోర్టు సస్పెన్షన్ వేటు వేసింది. తెలంగాణ న్యాయాధికారుల సంఘం అధ్యక్ష, కార్యదర్శులు కె.రవీందర్‌రెడ్డి, వి.వరప్రసాద్‌లపై న్యాయస్థానం సోమవారం సస్పెన్షన్ వేటు వేసింది. దీంతో ఇప్పటివరకూ 11మంది న్యాయమూర్తులు సస్పెండ్ అయ్యారు. హైకోర్టు నిర్ణయంతో తెలంగాణలో న్యాయవాదులు నిరసన వ్యక్తం చేస్తున్నారు.

ఆదిలాబాద్‌: ఆదిలాబాద్‌ జిల్లాలోని ఆరు ఉపరితల గనులలో సోమవారం రాత్రి నుంచి కురుస్తున్న వర్షాలకు బొగ్గు ఉత్పత్తికి అంతరాయం ఏర్పడింది. శ్రీరాంపూర్‌ ఉపరితల గనిలో 10,000 టన్నులు, రామకృష్ణాపూర్‌ గనిలో 3,000 టన్నులు , బెల్లంపల్లి ఏరియాలోని డొర్లి 1,2,3, ఖైరిగూడ-4 ఉపరితల గనుల్లో సుమారు 20,000 టన్నుల బొగ్గు ఉత్పత్తికి విఘాతం ఏర్పడింది. ఉపరితల గనుల్లో మట్టి వెలికితీత పనులు నిలిచిపోయాయి.

హైదరాబాద్: క్రమశిక్షణా రాహిత్యం పేరిట ఏడుగురు జడ్జిలపై హైకోర్టు విధించిన సస్పెన్షన్లను ఎత్తివేసే వరకూ సామూహిక సెలవులో ఉండాలని తెలంగాణ న్యాయాధికారుల సంఘం తీర్మానించింది. సోమవారం ఇద్దరు జడ్జిలను, మంగళవారం అయిదుగురిని హైకోర్టు సస్పెండ్ చేయడంతో తమ ఆందోళనను తీవ్రతరం చేయాలని సంఘం నిర్ణయించింది.