హైదరాబాద్, మే 11: తెలంగాణ రాష్ట్ర సమితిలో తాను చేరనున్నట్లు జరుగుతున్న ప్రచారంలో ఏ మాత్రం వాస్తవం లేదని తెలంగాణ తెలుగు దేశం పార్టీ అధ్యక్షుడు ఎల్. రమణ తెలిపారు. తనకు ఎంతో బాధ్యతాయుతమైన, అత్యంత ప్రధానమైన పార్టీ అధ్యక్ష పదవిని, ఎనలేని గౌరవాన్ని ఇచ్చిన పార్టీని ఎట్టిపరిస్థితుల్లోనూ వీడనని ఆయన బుధవారం విలేఖరుల సమావేశంలో చెప్పారు.

వరంగల్, మే 11: వరంగల్ నగరంలో శ్రీ భద్రకాళీ భద్రేశ్వరుల బ్రహ్మోత్సవాలు బుధవారం నాల్గవ రోజుకు చేరుకున్నాయి. శంకర జయంతి సందర్భంగా ఉదయం అమ్మవారికి ఉషః కాలార్చన పూర్తయిన అనంతరం జగద్గురు శంకరాచార్య జయంతిని భక్తులు ఎంతో వైభవంగా నిర్వహించారు. అనంతరం చతుస్థానార్చన, ఉత్సవంగా నిత్యబలి పూర్తి చేసి అమ్మవారిని దుర్గామాతగా అలంకరించి సింహ వాహనంపై ఊరేగించారు.

హైదరాబాద్, మే 11: హైదరాబాద్ నగర శివారులోని పహాడిషరీఫ్ పోలీస్ స్టేషన్ పరిధిలో అకృత్యాలకు పాల్పడ్డారన్న నేరంపై 8మంది స్నేక్ గ్యాంగ్ దోషులకు రంగారెడ్డి జిల్లా కోర్టు బుధవారం శిక్ష ఖరారు చేసింది. ఏ1 నుంచి ఏ7 నిందితులకు జీవిత ఖైదు విధించగా, ఏ8 నిందితుడు ఇంతకు ముందే 22 నెలల శిక్ష అనుభవించినందున అతనికి 20 నెలలు జైలు శిక్ష విధిస్తూ కోర్టు తీర్పునిచ్చింది.

హైదరాబాద్: నగరంలోని పాతబస్తీ ప్రాంతంలో పలు అకృత్యాలకు పాల్పడిన స్నేక్‌గ్యాంగ్‌లో మొదటి ఏడుగురు నిందితులకు యావజ్జీవ జైలుశిక్షను రంగారెడ్డి జిల్లా కోర్టు ఖరారు చేసింది. 8వ నిందితుడికి 20 నెలల జైలుశిక్షను విధించారు. ఈ కేసులో మంగళవారం వాదనలు ముగిశాక బుధవారం నాడు న్యాయమూర్తి శిక్షలను ప్రకటించారు.