జడ్చర్ల, మే 9: రాష్ట్ర ప్రభుత్వం కరవును విస్మరించి, కమీషన్లపైనే దృష్టి పెట్టిందని పిసిసి చీఫ్ ఉత్తమ్‌కుమార్‌రెడ్డి తీవ్ర ఆగ్రహం వ్యక్తం చేశారు. సింధనూర్‌లో అలంపూర్ ఎమ్మెల్యే సంపత్ కమార్ సోమవారం తలపెట్టిన దీక్షకు హైదరాబాద్ నుండి వెళ్తున్న ఆయన జడ్చర్లలోని జాతీయ రహదారిపై ఆగారు. ఈ సందర్భంగా కాంగ్రెస్ నాయకులు అక్కడికి చేరుకుని ఆయనకు ఘన స్వాగతం పలికారు.

సంగారెడ్డి, మే 9: ప్రకృతి వైపరీత్యాలతో పశువులను కాపాడుకునేందుకు అన్నదాతలు అనేక అవస్థలు పడుతుంటే విద్యుత్ తీగలు మూగజీవాల పాలిట యమపాశాలుగా మారుతున్నాయి. గంటల వ్యవధిలో చోటుచేసుకున్న రెండు సంఘటనల్లో 29 పశువులు మృత్యువాత పడ్డాయి. మెదక్ జిల్లాలోని కల్హేర్, న్యాల్‌కల్ మండల్లాల్లో ఈ దుర్ఘటనలు చోటుచేసుకోవడంతో పాడి రైతులు లబోదిబోమంటున్నారు. వివరాల్లోకి వెళితే..

ఖమ్మం, మే 9: ఖమ్మం జిల్లా పాలేరు ఉప ఎన్నికలో రాజకీయ పార్టీల నేతల మధ్య మాటల తూటాలు పేలుతున్నాయి. పోలింగ్ సమయం సమీపిస్తున్నకొద్దీ మాటలకు పదునుపెడుతూ ప్రచారాన్ని ముమ్మరం చేస్తున్నారు. ప్రధానంగా కాంగ్రెస్, టిఆర్‌ఎస్, వామపక్ష పార్టీల మధ్య మాటల యుద్ధం సాగుతోంది. తెలంగాణ రాష్ట్రం తెచ్చిందే తామని, రెండేళ్లలో చేసింది శూన్యమంటూ టిఆర్‌ఎస్ నేతల వైఖరిపై కాంగ్రెస్ నేతలు దుమ్మెత్తి పోస్తున్నారు.

ఖమ్మం: గోదావరి జలాల పంపిణీ విషయంలో ఎపి సిఎం చంద్రబాబు, వైకాపా అధినేత జగన్ తెలంగాణ ప్రాంతానికి ద్రోహం చేసేలా వ్యవహరిస్తున్నారని మంత్రి కెటిఆర్ అన్నారు. ఆంధ్రా నేతల నీటి రాజకీయాలను అడ్డుకుంటామన్నారు. పాలేరు ఉపఎన్నికలో తెరాస అభ్యర్థి లక్ష ఓట్ల మెజారిటీతో గెలవడం ఖాయమన్నారు.