హైదరాబాద్: కూకట్‌పల్లి ప్రగతినగర్‌లోని కెనరాబ్యాంకు ఎటిఎంలో నగదును చోరీ చేసేందుకు మంగళవారం అర్ధరాత్రి దొంగలు విఫలయత్నం చేశారు. ఎటిఎంను ధ్వంసం చేసినా నగదు లభించకపోవడంతో దొంగలు వెనుదిరిగారు. చోరీకి యత్నించిన వారికోసం పోలీసులు గాలింపు ప్రారంభించారు.

నల్లగొండ/మహబూబ్‌నగర్/నిజామాబాద్/ఆదిలాబాద్/కరీంనగర్, ఏప్రిల్ 12: రాష్ట్రంలోని పలు జిల్లాల్లో ఎండల తీవ్రత రోజురోజుకూ పెరుగుతోంది. వివిధ ప్రాంతాల్లో వడదెబ్బతో ఎనిమిది మంది మరణించారు.

హైదరాబాద్, ఏప్రిల్ 12: అంబేద్కర్ 125వ జయంతి ఉత్సవాల్లో భాగంగా తెలంగాణ ప్రదేశ్ కాంగ్రెస్ కమిటీ మంగళవారం నిర్వహించిన సభ విజయవంతమైంది. పార్టీ కార్యకర్తలు పెద్ద సంఖ్యలో ఈ సభకు తరలి రావడంతో సికింద్రాబాద్‌లోని ఇంపీరియల్ గార్డెన్ క్రిక్కిరిసింది. దీంతో పార్టీ నాయకులే సంభ్రమాశ్చర్యాలకు లోనయ్యారు. ఎఐసిసి నాయకుడు, వి.హనుమంతరావు ప్రసంగంలో ఇంత పెద్ద ఎత్తున కార్యకర్తలు వస్తారని అనుకోలేదన్నారు.

హైదరాబాద్, ఏప్రిల్ 12: రాష్ట్రంలో ప్రతీ 75 వేల జనాభాకు ఒకటి చొప్పున అత్యవసర వైద్య సేవలు అందించే 108 అంబులెన్స్‌లు ఏర్పాటు చేయాలని, అలాగే గ్రామీణ ప్రాంతాల్లో ప్రస్తుతం వైద్య సేవలు అందిస్తున్న 104 సంచార వైద్య వాహనాల సేవలు మరింత విస్తృతపర్చాలని ప్రభుత్వం నిర్ణయించింది.