వరంగల్, ఏప్రిల్ 2: అదనపు కట్నం కోసం కాబోయే భర్త పెడుతు న్న వేధింపులు తట్టుకోలేక యువతి పురుగుల మందుతాగి ఆత్మహత్యకు పాల్పడింది. వరంగల్ జిల్లా ఏటూరునాగారం మండలం చిన్నబోయినపల్లికి చెందిన పిజి లెక్చరర్ మమతా రెడ్డి (23) పెళ్లి కాకుండానే వరకట్న దాహానికి బలైంది. నిశ్చితార్థం జరిగిన తర్వాత అదనపు కట్నం కోసం వేధించడంతో లెక్చరర్‌గా పనిచేస్తు న్న మమతారెడ్డి ఆత్మహత్య చేసుకుంది.

హైదరాబాద్, ఏప్రిల్ 2: ఇటీవల జరిగిన అసెంబ్లీ బడ్జెట్ సమావేశాల్లో రాష్ట్ర ప్రభుత్వం హామీల వర్షం కురిపించిందే తప్ప కరవు నివారణపై పూర్తిగా నిర్లక్ష్యం వహించిందని టి.టిడిపి పొలిట్ బ్యూరో సభ్యుడు రావుల చంద్రశేఖర్ రెడ్డి, పార్టీ రాష్ట్ర ప్రధాన కార్యదర్శి ఎం. అమర్‌నథ్ బాబు విమర్శించారు.

జగదేవ్‌పూర్, ఏప్రిల్ 2: రాష్టమ్రుఖ్య మంత్రి కె.చంద్రశేఖర్‌రావు మెదక్ జిల్లా జగదేవ్‌పూర్ మండల పరిధిలో ని ఎర్రవల్లిలోని తన వ్యవసాయక్షేత్రానికి శనివారం చేరుకున్నారు. నిజామాబాద్ జిల్లాలో రెండు రోజులుగా కుటుంబ సభ్యులతో వివిధ కార్యక్రమాలలో పాల్గొన్న ఆయన విశ్రాంతి కోసం తన కుటుంబ సభ్యులతో ఫాం హౌస్‌కు చేరుకున్నారు.

సంగారెడ్డి, ఏప్రిల్ 2: తొమ్మిది గంటల విద్యుత్ సరఫరా కోసం సంవత్సరాల తరబడి ఎదురుచూస్తున్న అన్నదాతలకు తెలంగాణ రాష్ట్ర ప్రభుత్వం తొమ్మిది గంటల పాటు కరెంటు సరఫరా చేయడానికి నిర్ణయించింది. మార్చి నెలాఖరు నుంచి తొమ్మిది గంటలు విద్యుత్ సరఫరా చేస్తామని ముఖ్యమంత్రి ఇచ్చిన మాటకు కట్టుబడి ట్రాన్స్‌కో అధికారులు ఏప్రిల్ 1వ తేదీ నుండి వ్యవసాయానికి తొమ్మిది గంటలు విద్యుత్ సరఫరాను ప్రారంభించారు.