ఖమ్మం, జనవరి 9: ఫిబ్రవరిలో జరగనున్న మేడారం జాతరకు రాష్ట్రంలోని పది జిల్లాల నుంచి 3,600 బస్సులు నడపనున్నట్లు ఆర్టీసీ ఎండి జివి రమణారావు వెల్లడించారు. శనివారం ఖమ్మంలో నూతన బస్టాండ్ ఏర్పాటు కోసం ఎనె్నస్పీ స్థలాన్ని పరిశీలించిన అనంతరం తనను కలిసిన విలేఖర్లతో మాట్లాడారు. రాష్ట్ర ప్రభు త్వం మేడారం జాతరను ప్రతిష్ఠాత్మకంగా నిర్వహించేందుకు ఏర్పాట్లు చేస్తోందన్నారు.

హైదరాబాద్, జనవరి 9: తెలంగాణ రాష్ట్ర సమితి రాజకీయ ఉగ్రవాదానికి పాల్పడుతున్నదని టి.పిసిసి వర్కింగ్ ప్రెసిడెంట్ మల్లు భట్టివిక్రమార్క మండిపడ్డారు. గ్రేటర్ హైదరాబాద్ రిజర్వేషన్లపై హైకోర్టుకు వెళ్ళనున్నట్లు ఆయన తెలిపారు. జనాభా ప్రకారం రిజర్వేషన్లు కల్పించలేదని, పైగా ఎస్‌సి డివిజన్ల సంఖ్యను 12 నుంచి 10కి తగ్గించారని ఆయన శనివారం విలేఖరుల సమావేశంలో తెలిపారు.

హైదరాబాద్, జనవరి 9: గ్రేటర్ హైదరాబాద్ ఎన్నికల్లో ఎక్స్ అఫిషియో సభ్యులు కీలకపాత్ర వహించనున్నారు. గ్రేటర్ హైదరాబాద్ పరిధిలో హైదరాబాద్ జిల్లాతోపాటు రంగారెడ్డి, మెదక్ జిల్లాల్లోని కొంతభాగం కూడా ఉంది. ఈ మూడు జిల్లాల పరిధిలోని ప్రజాప్రతినిధులు గ్రేటర్ హైదరాబాద్ మున్సిపల్ కార్పొరేషన్‌లో ఎక్స్ అఫీషియో సభ్యులు. మేయర్ ఎన్నికల్లో ఎక్స్ అఫీషియో సభ్యులుగా 60మంది ప్రజా ప్రతినిధులకు ఓటు హక్కు ఉంటుంది.

హైదరాబాద్, జనవరి 9: రాజధానిలో గత ఏడాదికంటే ఈ ఏడాది రోడ్డు ప్రమాదాలు తగ్గాయని, మెట్రో పాలిటన్ నగరాల్లో ద్విచక్ర వాహనదారులు హెల్మెట్ తప్పనిసరిగా వినియోగించాలని నగర కమిషనర్ మహేందర్‌రెడ్డి పిలుపునిచ్చారు. హెల్మెట్ ధారణతోనే ప్రమాదాలు అరికట్టవచ్చని, హెల్మెట్ ధరించకపోవడంతోనే 25శాతం ప్రమాదాలు జరుగుతున్నాయన్నారు.