రామగుండం, జనవరి 8: కరీంనగర్ జిల్లా కేంద్రంలోని సదర్ హోం నుండి పరారైపోతున్న ఇద్దరు యువతులను రామగుండం రైల్వే పోలీసులు పట్టుకున్నారు. శుక్రవారం తెల్లవారుజామున రైలుకోసం ఎదురు చూస్తున్న ఆ యువతులు అనుమానాస్పదంగా కనిపించడంతో అదుపులోకి వారిని తీసుకున్నారు. బెంగాల్‌కు చెందిన రాధాలాహోర్, ఒడిషాకు చెందిన గీతాంజలి నాయక్ రైల్వే పోలీసులకు పట్టుబడ్డారు. ఈ ఇద్దరినీ విచారించగా అవాక్కయ్యే వాస్తవాలు వెలుగుచూశాయి.

హైదరాబాద్, జనవరి 8: మిషన్ కాకతీయ పనుల్లో అటవీ శాఖ అనుమతుల విషయంలో మహబూబ్‌నగర్ జిల్లా అధికారుల పనితీరు బాగుందని మిగిలిన జిల్లాల అధికారులు వారిని అనుసరించాలని పంచాయితీరాజ్ శాఖ ముఖ్య ప్రధాన కార్యదర్శి ఎస్పీ సింగ్ తెలిపారు. అటవీ శాఖ నుంచి అనుమతులు పొందేందుకు అనుసరించాల్సిన పద్దతుల గురించి చర్చించారు.

హైదరాబాద్, జనవరి 8:పాలమూరు జిల్లాలో ప్రతిపాదించిన ప్రాజెక్టులన్నింటి నుంచి జూలై నాటికి సాగునీటిని విడుదల చేయనున్నట్టు నీటిపారుదల శాఖ మంత్రి తన్నీరు హరీశ్‌రావు తెలిపారు. మహబూబ్‌నగర్ జిల్లాలోని ప్రాజెక్టులు కల్వకుర్తి, నెట్టెంపాడు, కోయిల్ సాగర్, బీమా, పాలమూరు- రంగారెడ్డి ప్రాజెక్టుల్లో భూ సేకరణ సమస్యలపై హరీశ్‌రావు శుక్రవారం సమీక్ష జరిపారు.

హైదరాబాద్, జనవరి 8: నిర్మాణ రంగం ప్రోత్సాహకంగా చాలావరకూ నిబంధనలు సరళీకృతం చేశామని, బిల్డర్లు సద్వినియోగం చేసుకోవాలని సిఎం కె చంద్రశేఖర్‌రావు సూచించారు. వెసులుబాటును దుర్వినియోగపర్చి అక్రమాలకు పాల్పడితే తీవ్ర పరిణామాలు ఉంటాయని, అవసరమైతే బ్లాక్‌లిస్టులో పెట్టేందుకూ వెనుకాడేదిలేదన్నారు. హైదరాబాద్‌లో శుక్రవారం 27వ అఖిల భారత బిల్డర్ల అసోసియేషన్ సదస్సును కెసిఆర్ ప్రారంభించారు.