వడ్డీలకు డబ్బు తీసుకుని చెల్లించలేని వారి ఇంట్లోని మహిళల పట్ల వడ్డీ వ్యాపారులు అసభ్యంగా లేదా దురుసుగా ప్రవర్తించినట్లయితే వారిపై నిర్భయ చట్టం కింద కేసు నమోదు చేసి కఠినంగా శిక్షించాలి. వడ్డీ వ్యాపారుల ఆగడాలు ఇప్పుడు కొత్తగా ఆరంభం కాలేదు. లేదా కాంగ్రెస్ అధికారంలో ఉన్నప్పుడే ప్రారంభం కాలేదు. వడ్డీ వ్యాపారులు అనాదిగా అనాగరికంగా వేధిస్తున్నారు. బానిసత్వం కూడా వడ్డీ వ్యాపారుల నుంచే వచ్చింది.

కాల్‌మనీ సెక్స్ రాకెట్ స్కాంను బహిర్గతం చేసింది మా పార్టీనే. పేద, మధ్య తరగతి వర్గాలను, మహిళలను వేధించి, వారి నుంచి జలగల మాదిరిగా వడ్డీ సొమ్మును లాగుకొని, లైంగిక అత్యాచారాలకు పాల్పడిన ముఠా గుట్టురట్టు చేశాం. ఈ స్కాంలో టిడిపికి ప్రత్యక్ష సంబంధాలు ఉన్నాయి.టిడిపి పెద్దలున్నారు. హైకోర్టు సిటింగ్ న్యాయమూర్తి చేత విచారణ జరిపించి దోషులను కఠినంగా శిక్షించాలి.

కాల్ మనీ వ్యవహారంలో అప్పులు ఇచ్చి మహిళలను లైంగికంగా వాడుకోవడం అత్యంత హేయమైన విషయం. అలాంటి వారిపై ఇప్పటికే పోలీసులు కేసులు నమోదు చేశారు. రాజకీయ వత్తిళ్లకు లొంగకుండా పోలీసులు వారిని కఠినంగా శిక్షించాలి. పోలీసులు కేసులు నమోదు చేసిన వారే కాకుండా ఇంకా చాలా మంది అలాంటి వారు ఉన్నట్టు తెలుస్తోంది.

శాసన మండలి 12 స్థానాలకు ఎన్నికలు జరుగుతుంటే ఆరు స్థానాల్లో టిఆర్‌ఎస్ అభ్యర్థులు ఏకగ్రీవంగా ఎన్నికయ్యారు. ఇది ఒక రికార్డు. టిఆర్‌ఎస్ వరుస విజయాలను తట్టుకోలేకపోతున్న కొన్ని పార్టీల నాయకులు వలసలు అంటూ ప్రచారం మొదలు పెట్టారు. వలసలు అనేవి ఇప్పుడే పుట్టినట్టుగా నాయకులు మాట్లాడుతున్నారు. వలసలు ఇప్పుడే మొదలు కాలేదు. వలసల గురించి విమర్శలు చేస్తున్న పెద్ద నాయకులు కూడా ఒకప్పుడు పార్టీలు మారినవారే.