దేశంలో ముస్లింలు ఎదుర్కొంటున్న సమస్యలను పక్కనపెట్టి భారతీయ జనతా పార్టీ ముస్లిం పర్సనల్ లా విషయంలో శ్రద్ధ చూపడం శోచనీయం. దేశవ్యాప్తంగా ప్రతి శుక్రవారం ప్రార్థనల అనంతరం పెద్దసంఖ్యలో ముస్లింలు ఈ విషయంలో ప్రభుత్వ జోక్యాన్ని నిరసిస్తూ పెద్దఎత్తున నినాదాలు చేస్తున్నారు. ప్రపంచంలోని ముస్లింలు అందరూ సామరస్యానే్న కోరుకుంటారు. అయితే ఖురాన్ ప్రవచించిన ఆదేశాలను పాటిస్తూ సమానత్వాన్ని కోరుకుంటాం.

ఒకప్పుడు ప్రతిభ ఉన్న విద్యార్థులకు మాత్రమే ఉపకార వేతనం ఉండేది, దళితుల పిల్లలకు విద్య, అందులోనూ ఉన్నత విద్య అందుబాటులో ఉండేది కాదు, కాలక్రమంలో రాజకీయ పార్టీల వాగ్దానాలతో విద్యార్థుల ఫీజు రీయింబర్స్‌మెంట్ అమలులోకి వచ్చింది. నిరుపేద విద్యార్థులు సైతం ఉన్నత ప్రమాణాలున్న కళాశాలల్లో ధనవంతుల పిల్లలతో సమానంగా చదువుకునే అవకాశం కల్పించాలనే ఆశయంతో మొదలైనదే ఫీజు రీయింబర్స్‌మెంట్ విధానం.

రీయింబర్స్‌మెంట్ పథకం ప్రవేశపెట్టినప్పటి నుంచి బకాయిలు వారసత్వంగా వస్తూనే ఉన్నాయి. రాష్ట్ర విభజన సమయంలో ఆరువేల కోట్ల రూపాయల వరకు బకాయిలు ఉండేవి. ఏటా 2500 కోట్ల రూపాయల వరకు కేటాయంపులు ఉండేది. దానిలో సగం చెల్లించడం సగం, అలానే పేరుకుపోవడం జరుగుతోంది. తెలంగాణలో మూడు వేల కోట్ల రూపాయల వరకు చెల్లించాల్సి ఉండగా, వెయ్యి కోట్ల రూపాయలు చెల్లించారు.

ఎన్ని ప్రభుత్వాలు మారినా విద్యార్థుల తలరాతలు మారడం లేదు. ప్రభుత్వాలు విద్యను ఒక బాధ్యతగా మానవ వనరుగా చూడటం మర్చిపోయింది. ఎన్నికల హామీలుగా విద్యారంగ పథకాలను ప్రకటించడం మూలంగానే ప్రభుత్వం నేతృత్వంలోని విద్యారంగం పూర్తిగా నిర్వీర్యం అయింది. విద్యను పూర్తిగా ప్రభుత్వరంగం నుండి తప్పించడానికి ప్రైవేట్ విద్యా సంస్థలను పాలకులు ప్రోత్సహిస్తున్నారు.