దేశవ్యాప్తంగా జనాభా పెరుగుతున్న నేపధ్యంలో లోక్‌సభ నియోజవర్గాల విభజన అవసరం. రాజ్యాంగం ప్రకారం ప్రతి 25 సంవత్సరాలకు ఒకసారి లోక్‌సభ నియోజకవర్గాల పునర్విభజన చేసుకోవాలి. కాని కొన్ని సంవత్సరాల నుండి నియోజకవర్గాల పునర్విభజన జరగలేదు. దేశవ్యాప్తంగా ఈ విభజన జరగాల్సి ఉంది. ప్రస్తుతం లోక్‌సభ నియోజకవర్గానికి 15 లక్షల మంది వరకు ఓటర్లు ఉంటున్నారు.

ప్రజాస్వామ్యబద్ధంగా ప్రభుత్వాలను ఎన్నుకుని పాలన పగ్గాలను అప్పగించేందుకు పార్లమెంటు నియోజకవర్గాల విభజన తప్పనిసరి. పార్లమెంటు నియోజకవర్గాలను విభజన చేయాలన్నా, సంఖ్యను పెంచాలన్నా రాజ్యాంగ సవరణ తప్పనిసరి. పార్లమెంటు స్థానాలతోపాటుగా అసెంబ్లీ స్థానాల సంఖ్యను పెంచే అధికారం కేంద్ర ప్రభుత్వానికి ఉంటుంది. కేంద్ర ప్రభుత్వం రాజ్యాంగ సవరణకు బిల్లును ప్రవేశపెడితే సభ్యులంతా ఆమోదించాల్సి ఉంటుంది.

అసెంబ్లీ నియోజకవర్గాలతోపాటు లోక్‌సభ నియోజకవర్గాల సంఖ్యను పెంచాలని ముఖ్యమంత్రి కెసిఆర్ కేంద్రాన్ని కోరటం ముదావహం. పరిపాలన ప్రజల వద్దకు తీసుకురావాలనే సదుద్ధేశ్యంతో ముఖ్యమంత్రి ఇప్పటికే జిల్లాల పునర్విభజన ద్వారా 10 జిల్లాలను 31 జిల్లాలుగా మార్చారు. కొత్త డివిజన్లు, కొత్త మండలాలు కూడా ఏర్పాటు చేసారు. తాజాగా గిరిజన తండాలను, చెంచుపెంటలను, గూడేలను గ్రామ పంచాయతీలుగా మార్చే ప్రయత్నంలో ప్రభుత్వం ఉంది.

ఈ రోజు ఢిల్లీ, రేపు దేశమంతా కాలుష్య నగరాలుగా తయారయ్యే అవకాశాలున్నాయి. కేంద్ర, రాష్ట్ర ప్రభుత్వాలు కాలుష్య నియంత్రణకు కఠిన చట్టాలు తీసుకువచ్చి అమలు చేయాలి. చట్టాలు కాగితాలకే పరిమితమైతే చేసేదేమీలేదు. 2020 నాటికి స్వీడన్ దేశంలో అన్ని డీజిల్, పెట్రోలు ఇంధనంతో తిరిగే వాహనాలను రద్దు చేయాలని ఆ ప్రభుత్వం నిర్ణయించింది.