పార్టీ ఫిరాయింపులు అనేది నీతిమాలిన రాజకీయాలకు పరాకాష్ట. ఏ పార్టీలో ఎందుకు ఉన్నాం, ఎందుకు గెలిచాం, ఎందుకు మరో పార్టీలోకి వెళుతున్నామనే ఆలోచనే లేకుండా ప్రజాప్రతినిధులు పార్టీలు మారుతున్నారు. నేతలు పార్టీలు మారుతున్నా, ప్రజల్లో కూడా పెద్దగా పట్టింపు లేకపోవడం మరింత శోచనీయం. ఒక పార్టీ సిద్ధాంతాలను అనుసరించి గెలిచిన తర్వాత మరో పార్టీలోకి వెళుతుంటే ప్రశ్నించే పౌరుడే లేరు.

రాజ్యాధికారం రాష్ట్రంలో పేద కాపుల కడుపును ఎంతమాత్రం నింపలేదు! కాపు, తెలగ, బలిజ, ఒంటరి కులాలకు చెందిన లక్షలాది మంది పేద కాపులు నేడు ఆకలి కేకలతో అలమటిస్తున్నారు. కాపు కులంలో జన్మించినందుకు జాతి రుణం తీర్చుకునేందుకే నేను ఉద్యమించాల్సి వచ్చింది. కాపులను బిసిలుగా మార్చి, క్రిమిలేయర్ విధానంలో పేద కాపులకు ఆర్థిక సహాయం, రుణాలను అందించాలి. బిసిలకు అన్యాయం చేయాలన్నది నా అభిమతం కాదు.

అభివృద్ధి చెందిన కాపులను బిసిల్లో కలిపితే సహించేది లేదు. ఆంధ్రప్రదేశ్‌లోని కాపు, బలిజ, ఒంటరి కులాలను బిసి జాబితాలో కలపాలని కాపు ఐక్య గర్జన ద్వారా హింసాత్మక సంఘటనలకు పాల్పడి సమస్యను మరోసారి వెలుగులోకి తీసుకొచ్చారు.

రిజర్వేషన్ల వివాదాలకు మూల కారణం సామాజిక, ఆర్థిక అసమానతలు. సామాజికంగా, ఆర్థికంగా వెనకబడిన వర్గాలకు రిజర్వేషన్లు కొనసాగించాలి. వీరి కోటాను ముట్టుకోవడానికి వీలులేదు. కాగా ఆర్థికంగా వెనకబాటుతనం అగ్రకులాలుగా ముద్రపడిన వర్గాల్లో పెరిగింది. వీరిని కూడా ఆదుకునేందుకు కేంద్ర, రాష్ట్ర ప్రభుత్వాలు చిత్తశుద్ధితో కృషి చేయాలి. నిరుద్యోగం పెరిగింది. ఉద్యోగ నియామకాలు నిలిచిపోయాయి.