బాస్ ఈజ్ రైట్! ఇది ఉద్యోగులందరికీ అనుభవైక వేద్యం. మీ నుంచి పని ఎలా రాబట్టాలో..ఎంతగా మీ సమర్ధతను వినియోగించుకోవాలో బాసులకు తెలిసినంతగా ఎవరికీ తెలియదు. మీ చేత పని చేయించుకోవడంలో అతడి ప్రతిష్ఠ ఇమిడి ఉంటుంది. అందుకే సిబ్బందిని ఎనలేని వత్తిళ్లకు గురిచేస్తారు! బాసులందు కొందరు బాసుల తీరు వేరయా అంటోంది తాజాగా జరిగిన ఓ సర్వే. దీని వివరాల్లోకి వెళితే ఉద్యోగుల గుండెల్లో రైళ్లు పరుగెత్తడమే ఆలస్యం!

మన దైనందిన జీవితంలో టెక్నాలజీ ఓ భాగమై పోయింది. ఇమెయిల్స్ చెక్ చేసుకోవడం మొదలు డెస్క్‌టాప్ ముందు కూర్చుని గంటల తరబడి పనిచేయడం వరకూ, కంప్యూటర్ లేనిదే క్షణం గడిచే పరిస్థితి లేని దశకు చేరుకున్నాం. స్మార్ట్ఫోన్ వాడకం కూడా విపరీతంగా పెరిగిపోయింది. ఇది నాణేనికి ఒకవైపు మాత్రమే. మరోవైపు పరిశీలిస్తే, మింగుడుపడని నిజాలెన్నో కనిపిస్తాయి.

పడవల్లాంటి కార్లు తయారు చేసే మెర్సిడెస్ బెంజ్ సంస్థ ఈసారి నిజంగానే ఈ అధునాతన పడవను తయారు చేసింది. ఫొటోలో కనిపిస్తున్న పడవ అదే. మెర్సిడెస్ బెంజ్ కంపెనీ...సిల్వర్ యారోస్ మెరైన్ సంస్థతో కలసి రూపొందించిన యారో460 అనే పడవ ఇది. లోపల బెంజ్ కారుకున్న హంగులన్నీ ఉంటాయి. ఎయిర్ కండిషనింగ్ రూమ్స్, టేబుళ్లు, పడకలు, కిచెన్ వంటివన్నీ ఉంటాయి.

అందరిలా మీరూ ఇన్‌షర్ట్ చేసుకుని ఓ టై కట్టుకుని వెడితే ఏం బాగుంటుంది? దానికీ ఏదో ఓ ప్రత్యేకత ఉండాలిగా. ఇకపై మీరు పార్టీలకో, ఫంక్షన్లకో వెళ్లాలనుకుంటే ఎంచక్కా ఎల్‌ఇడి యానిమేటెడ్ నెక్ టై కట్టుకుని వెళ్లండి. అందరి కళ్లూ మీమీదే ఉంటాయంటే నమ్మండి! 17 అంగుళాల పొడవైన ఈ నెక్‌టై పై ఎల్‌ఇడి బల్బులు ఉంటాయి. టై వెనకాల చిన్నపాటి బ్యాటరీలు అమర్చి ఉంటాయి.