S ,7 à 8 RSCA (si SASPAS) et 6 cialis pharmacie cialis rapports de stage.
క్రైమ్ కథ
బ్రిటీష్ జైళ్లల్లోంచి ఇటీవల తప్పించుకునే ఖైదీల సంఖ్య పెరిగింది. ఓ రోజైతే ఏకంగా ఐదుగురు ఐదు జైళ్ల నించి తప్పించుకున్నారు. దినపత్రికల్లో ఈ అంశం మీద హాస్యంగా వ్యాసాలు, కార్టూన్లు చాలా వెలువడ్డాయి. మీడియా తమని అపహాస్యం చేస్తూండటంతో జైళ్ల అధికారులు ఖేదీలు పారిపోకుండా కట్టుదిట్టమైన ఏర్పాట్లు చేయడానికి నడుం బిగించారు.
క్లారా పోయాక మైక్ ఆ టెలీఫోన్ కంపెనీ ప్రెసిడెంట్‌కి సంబంధించిన సమాచారాన్ని సేకరించసాగాడు. హోవార్డ్ గురించి అవసరమైనంత తెలుసుకున్నాక, వాటిలో తనకి పనికొచ్చేవి మూడే అని గ్రహించాడు. హోవార్డ్ చిరునామా, అతను వదలకుండా చూసే టి.వి. ప్రోగ్రాం, విడాకులు తీసుకుని వొంటరిగా జీవిస్తున్నాడు అన్నవి ఆ మూడు. ఆఖరి సమాచారం తెలిసాక మైక్ రిలీఫ్‌గా ఫీలయ్యాడు.
మిస్ కెన్నడీ నేరస్థురాలు అవడానికి అరవై ఐదేళ్లు పట్టింది. ఆరున్నర దశాబ్దాల పాటు ఆవిడ నిజాయితీకి మారుపేరుగా జీవించింది. ఆవిడ టి అక్షరం మీద నిజాయితీగా అడ్డు గీతని, ఐ అక్షరం మీద చుక్కని పెట్టేది. వై అక్షరం కొమ్ముని బాగా కిందకి గీసేది. అంత సక్రమంగా జీవించాక తొలిసారి ఆవిడ చట్టవిరుద్ధమైన ఓ పని చేస్తోంది!
ఆల్‌స్టార్ పిక్చర్స్ స్టూడియో అధినేత వాల్టర్ హార్న్ తన ఆఫీస్ గదిలో పని చేసుకుంటున్నాడు. ఇంటర్‌కంలో సెక్రటరీ ఆలిస్ చెప్పింది.
‘రచయిత హేంక్ బార్ట్‌లెట్ మీ కోసం బయట వేచి ఉన్నాడు’
‘ఐతే పంపించు. కాఫీ కూడా’ వాల్టర్ హార్న్ ఆదేశించాడు.
కొద్ది క్షణాల తర్వాత లోపలకి వచ్చిన హేంక్ ఒంగొని అభివాదం చేస్తూ చెప్పాడు.
‘సలాం’
అతను వాల్టర్ ముందు కూర్చుంటూ అడిగాడు.
జాన్ తన నీలం రంగు కారుని పేవ్‌మెంట్ పక్కన ఆపి, సాధారణంగా డాక్టర్లు మాత్రమే ఉపయోగించే ఓ నల్ల తోలు సంచీని తీసుకుని కిందికి దిగాడు. కారు తాళం వేసి పార్కింగ్ మీటర్లో గంటకి సరిపడే డబ్బుని వేశాడు. తిరిగి వచ్చేసరికి ఆ వేడికి కారు లోపల కుంపటిలా ఉంటుంది అనుకున్నాడు. గోధుమ రంగు టోపి, అదే రంగు సూట్‌ని ధరించిన అతను నల్ల కళ్లజోడు పెట్టుకుని గమ్యానికి బయలుదేరాడు. అప్పుడు సమయం ఉదయం 11.35 ఐంది.
హిక్స్ బామ్మ తన ఎనభై ఐదేళ్ల జీవిత కాలాన్ని కొండ మీది ఆ ఇంట్లోనే గడిపింది. 1921లో జేక్ హిక్స్‌ని పెళ్లి చేసుకున్నాక జేక్ ఆవిడ కోసం కట్టిన పైన్‌వుడ్ కేబిన్‌కి మారింది. ఏభై ఏళ్ల పాటు వారు ఇద్దరూ కలిసి జీవించారు. జేక్ మరణించాక బామ్మ ఒంటరిగా ఆ కేబిన్‌లో జీవిస్తోంది. వారిద్దరికీ సంతాన భాగ్యం లేకపోయింది.
నా ఫొటోని, నేను ఇచ్చిన ఐడి కార్డుని మార్చిమార్చి పోల్చి చూశాక డ్రెక్సలర్ వాటిని నాకు తిరిగి ఇచ్చి చెప్పాడు.
‘ఇది గౌరవప్రదం. ఇంతదాకా నా ఆఫీస్‌లోకి ఎఫ్‌బిఐ ఏజెంట్లు ఎన్నడూ రాలేదు’
అతని ఇన్‌కంటాక్స్ రిటర్న్స్‌ని ఓ ఐదేళ్లవి పరిశీలిస్తే తప్పకుండా ఐదారు లక్షల డాలర్ల ఆదాయాన్ని మరుగుపరిచి ఉంటాడని తేలిగ్గా గ్రహించవచ్చు. కాని నేను డ్రెక్సలర్ దగ్గరికి వచ్చిన పని అది కాదు.
పబ్లిక్ అండ్ బేకర్‌ఫీల్డ్ అడ్వర్టయిజింగ్ కంపెనీలో ప్రకటనలని రూపొందించే ఉద్యోగం చేసే హేరిసన్ తమ కొత్త క్లైంట్‌తో మీటింగ్‌లో పాల్గొన్నాడు. హోల్డ్‌వెల్ సేఫ్ కంపెనీ వాళ్లు కొత్తగా తయారుచేసిన ఐరన్ సేఫ్‌ని మార్కెట్లో ప్రవేశపెట్టబోయే ముందు చేయాల్సిన ప్రకటన గురించి వాళ్లు చర్చించడానికి సమావేశమయ్యారు.
నిక్‌కి ఉద్యోగం పోయింది. దాంతో డబ్బు లేదు. ఫలితంగా అతను అద్దెకి ఉండే గదికి మూడు వారాలుగా అద్దె చెల్లించడం లేదు. వారానికి ఇరవై డాలర్ల చొప్పున అరవై డాలర్లు బాకీ పడ్డాడు. ఒకప్పుడు అరవై డాలర్లంటే అతనికి లెక్కలేదు. కాని ఈ రోజు ఒక్క డాలర్ సంపాదించడం కూడా అతనికి గగనమై పోయింది.
ప్రఖ్యాత షోర్ రోడ్ సమీపంలోంచి వెళ్ళే సూపర్ హైవే చౌరస్తాలో ఎడ్డీస్ డైనర్ అనే రెస్టారెంట్ ఉంది. పాత రైల్వే డైనింగ్ కారే ఆ రెస్టారెంట్. దాని తలుపు మీద ‘సర్వీస్ డీలక్స్’ అనే ఎర్ర నియోన్ లైట్ ఆరి వెలుగుతోంది.