బాలీవుడ్‌లో ఇప్పుడు హాట్ హాట్‌గా అందరి నోళ్లలో చక్కర్లు కొడుతున్న విషయం ఒకటి వుంది. అదే.. విడుదల కాబోయే మూడంటే మూడు చిత్రాల గురించే. అందులో ఒకటి దీపికా పదుకొనే నటించిన ‘పద్మావతి’కాగా, మరోటి విద్యాబాలన్ ప్రధాన పాత్ర పోషించిన ‘తుమ్హారీ సులు’. ఈ రెండింటితో పాటు మరో చిత్రం కూడా రానుంది. అదే అమితాబచ్చన్, రిషీకపూర్‌ల ‘101 నాటౌట్’. ఈ మూడు చిత్రాలు విడుదల విషయంలో ఒక్క కొలిక్కిరాలేకపోతున్నాయట.

బాలీవుడ్, టాలీవుడ్‌లో ఇప్పుడు తాజాగా వినిపిస్తున్న మాట వాహ్..పూజా అని. వారి మాటల్లో నిజం లేకపోలేదు. హిందీతో పాటు ఇప్పుడు తెలుగు చిత్రాల్లోనూ బిజీగా మారబోతోంది పూజా హెగ్డే. ఇప్పటికే టాలీవుడ్‌లో బెల్లంకొండ సాయి శ్రీనివాస్ సరసన ఓ చిత్రం, రామ్‌చరణ్ ‘రంగస్థలం’లో ఓ స్పెషల్ సాంగ్ చేస్తోంది. అదే విధంగా బాలీవుడ్‌లోనూ అందరూ ఆశ్చర్యపోయేలా ఊహించని అవకాశాలను కొట్టేసి రేస్‌లో ముందుకు పరుగులు పెడుతోంది.

బాలీవుడ్ బ్యూటీ ప్రియాంక చోప్రా ఇప్పుడు దేశీ స్టార్ మాత్రమేకాదు.. అమెరికన్ సిరీస్ ‘క్వాంటికో’ ద్వారా చిన్ని తెరపై దర్శనమిచ్చి ప్రపంచ వ్యాప్తంగా పాపులారిటీ సంపాదించుకుంది. అంతే కాదు, ఈ ఇమేజ్ ఆమెను సంపాదనలో ఎక్కడికో తీసుకెళ్లింది. గత ఏడాది ఎక్కువ సంపాదించిన టీవీ నటీమణుల జాబితాను ఫోర్బ్స్ పత్రిక బయటపెట్టింది.

ఎప్పటికప్పుడు వైవిధ్యమైన చిత్రాలను అందించే పూరీ జగన్నాథ్ తాజాగా తన కుమారుడితో ఓ చిత్రాన్ని రూపొందిస్తున్నారు. పూరీ ఆకాశ్ ఇప్పటికే కొన్ని సినిమాలు చేసారు. ఆంధ్రాపోరి చిత్రంతో కథానాయకుడిగా పరిచయం అయ్యాడు. ఆకాశ్‌తో పూరీజగన్నాథ్ రూపొందిస్తున్న చిత్రం కోసం కథానాయికగా దాదాపు రెండు వందల మందిని పరిశీలించారు. ఆడిషన్లు నిర్వహించాక కేరళ ముద్దు గుమ్మ నేహాశెట్టి ఎంపికైందని టాలీవుడ్‌లో వినిపిస్తున్న వార్త.