తూర్పు నౌకాదళ ప్రధాన కేంద్రానికి అత్యంత సమీపంలోని విశాఖ విమానాశ్రయాన్ని ఆనుకుని ఉన్న ఐఎన్‌ఎస్ డేగ ఈస్ట్రన్ నేవీకి మరొక వ్యూహాత్మక ఎయిర్ స్టేషన్. 1972 డిసెంబర్‌లో కొద్దిపాటి హెలికాప్టర్లతో ఈ ఎయిర్ స్టేషన్ ప్రారంభమైంది. నాలుగేళ్ల తరువాత ఎయిర్ స్టేషన్ అభివృద్ధి ఊపందుకుంది. 1986లో ఈ ఎయిర్ ఫీల్డ్ నేవీ అధీనంలోకి వచ్చింది. 1991 అక్టోబర్ 21న దీనికి ఐఎన్‌ఎస్ డేగా అని నామకరణం చేసి, జాతికి అంకితం చేశారు. ఇప్పుడు ఈ డేగాలో ఛేతక్ హెలికాప్టర్లు, హాక్, అడ్వాన్స్‌డ్ జెట్ ట్రైనర్స్, స్వదేశీ పరిజ్ఞానంతో తయారైన పైలట్ లెస్ టార్గెట్ ఎయిర్‌క్రాఫ్ట్ (పిటిఎ) ‘లక్ష్య’తో తూర్పు తీరంపై డేగ సిద్ధంగా ఉంది.