మ్యూల్’ ప్రత్యేకతలు తెలుసా?
Published Saturday, 11 November 2017గాడిదలు, గుర్రాల సంకరంతో పుట్టిన జంతువులు మ్యూల్స్. సాధారణంగా గుర్రాలు, గాడిదల పోలికలతో ఇవి ఉంటాయి. తెలుపు, బూడిద రంగులో ఇవి ఉండటం చాలా అరుదు. గుర్రాల రంగులోనే ఎక్కువగా ఇవి ఉంటాయి. ఆ రెండింటికన్నా ఇవి తెలివైనవి, ధృడమైనవి కూడా. పరన్నాజీవుల తాకిడిని తట్టుకోగల శక్తి వీటికి ఉంది. అమెరికా, బ్రిటన్, మెక్సికో వంటి దేశాలు సైనిక దళాలలో వీటిని ఎక్కువగా ఉపయోగించుకుంటున్నాయి. ఆయుధార తరలింపులో వీటికి ఇవే సాటి. అమెరికా సైన్యం ఆఫ్గానిస్తాన్లో చేపట్టిన సైనిక చర్యల్లో ఇవి కీలక పాత్ర పోషించాయి. చైనా కూడా వీటిని ఎక్కువ భద్రతా దళాల్లో వినియోగిస్తోంది.