మినీ కవిత
Published Thursday, 16 November 2017ఆల్చిప్పల వంటి కళ్లలోంచి
జాలువారుతున్నాయి కన్నీళ్లు
కన్నీళ్లు చెపుతాయి కన్నీటి కథలు
కథలలో దాగున్నాయి వ్యథలు
అంతరిక్షానికి రాకెట్లు పంపగల మనిషి
అంతరాత్మలో గూడుకట్టుకున్న
చింతలను తెలుసుకోలేడు
శాంతిని పొందలేడు
చిన్న విత్తనం
వటవృక్షానికి మూలం
చిన్న ఆలోచన
మార్చు సమాజ స్వరూపం
నల్లబల్ల మీద తెల్లగీత
మన బతుకుల
తలరాతలు మార్చే భాగ్యరేఖ
మద్యం మత్తులో
కూలీ జనం
కూలీల నట్టింట్లో
ఆకలి రాజ్యం
పేరుకు సంక్షేమ రాజ్యం
ఆచరణలో పూజ్యం
క్లబ్బులు, పబ్బులు
విష సంస్కృతికి బీజాలు
యువతను పెడత్రోవ పట్టించే
మత్తుమందుల ఖజానాలు
చెమట ముత్యాలు
కష్టానికి ఆనవాలు
మెతుకు కోసం మన వ్రాలు
చూడు చూడు
సర్కారు ఆసుపత్రులు
వైద్యం శూన్యం
ప్రాణం నైవేద్యం
అగ్రవాదం
ఉగ్రవాదం
క్షుద్రవాదం
ప్రపంచ శాంతికి ప్రమాదం
ఆకలి తీర్చుకోవడానికి
అడుక్కునేవాడు ‘బిచ్చగాడు’
పేదల కడుపు కొట్టేవాడు
ఆధునిక ‘బిచ్చగాడు’ *