ఆగ్రహ సాగరం
Published Saturday, 18 November 2017ఏమిటో రంధీగా ఉంది
సమస్తం గందరగోళంగా వుంది
ఆకాశం మేఘావృతమయ్యింది
వర్షం పడవచ్చు పడకపోవచ్చు
ఉరుములు మెరుపులు
అగుపిస్తున్న దృశ్యాలు
సూర్యుడు వెలుగుతాడా లేదా తెలియదు
తెల్లారినట్టే కోడి కూసింది
ఎర్రబారినట్టే సూర్యుడు కనిపించాడు
తూర్పు అదృశ్యం సూర్యుడు మాయం
మనసు నల్లటి కొండతో నిండిపోయింది
సాగరం ప్రశాంతంగా వుంది కాని
కెరటం కాళ్లకు బలంగానే తాకుతుంది
గలా ఎటు నుండి ఎటు వస్తుందో తెలియదు
ఆకాశం ఊపిరాడటం లేదు
సాగరం ఆగ్రహం కావచ్చు
నిగ్రహించుకోవచ్చు
ఏదీ అర్థంకాని మనసు
అమావాస్యలా మారింది.