కవనం.. ఓ కన్నెవదనం
Published Saturday, 12 January 2019మోగెలే ఎదను సితార సాగెలే
హృది రస అసిధార
పాడెలే కొమ్మలనూగెలే ఆడెలే గండుకోయిల
ఊగే కొమ్మల తూగాడే పూవుల సుమ
సుగంధ పరిమళాల సౌరభాల...
కన్నె వధువులా గుండె మధువులా..
సాగిపోసాగే లేలేత కడలి కెరటాల
చిరుగాలి రెపరెపలా పైట చెంగు పెరపెరలా
పురివిప్పిన ఆ వయసుల
రెపరెపలాడే నీలికన్నుల
మొగ్గగ విరిబుగ్గల సిగ్గుగ ముసినగలై
ముత్యపు మెరుపై తొలకరి చినుకై
ప్రేమ మొలకై అలకల కులుకుల తళుకై
విరిసింది రసహృదయం
మురిసింది యువ గమనం
పురోగమనమె కాని తిరోగమన మెరుగని
జాలువారు పద కవితల
తరుణీ సొగసుల ఆస్వాదించే
రస హృదయం.. అంగలార్చకుండేనా
అల్లసాని పెద్దనైనా...
మతిపోవక మనియేనా ప్రవరాఖ్యుడైనా...