నవ్వేదెలా...
Published Saturday, 16 February 2019
నవ్వేదెలా
నవ్వు... నవ్వితే నవ్వు...
నవరత్నాలు రాలేలా నవ్వు..
నువ్వు నవ్వే నవ్వు
రివ్వున నా గుండె దూసేలా
నాకు తెలిసేలా
పక్కుమని పగలబడి నవ్వు
లేదా విరగబడి నవ్వు
అంతేకాని
నా వెనుక చేరి నవ్వి
నాకు వెలితిని కలతని కల్గించేలా
నా బ్రతుకు నవ్వులపాల్జేసేలా
నవ్వకు-
ఆ నవ్వు జాగృతమూ కాదు...
సంస్కారమూ కాదు...
నీకది తాత్కాలిక ప్రమోదమేమో
కాని ప్రమాదము సుమీ!!
నీ మనుగడకు...