శివరాత్రి
Published Saturday, 2 March 2019శిరసుపై నెలవంక దీపమై వెలుగగా
మారేడు త్రిదళాల నీ పూజ చేయగా
గంగమ్మ తలపైన
గిరి తనయ సగమైన
జంగమయ్యా నువ్వు జగమేలు దేవుడవు.
శివశివా
నీవు త్రిపురసంహారివి
త్రిజగ సంచారివి
కైలాస గృహ నిలయ
గిరిజాంతరంగా
కామన్న పున్నమన నీ ధవళ కాంతి
ఎప్పుడూ నిను చూచు భాగ్యాల నంది
ముప్పొద్దులా నిన్ను మ్రొక్కేము మేము.
నీ ఆన లేనిదే చీమైనా కుట్టదా
శివధనస్సు విరవ రామునికి వరమిచ్చి
‘సీతారాముల’ను ఆదర్శ దంపతుల
రమణీయ రామకథ రచియింపజేశావు.
జగతికే పితరులు
మీ పాదాల సాక్షిగా మిము వేడుతున్నాము
అన్న పానాదులకు లోటు లేకుండా
అన్నపూర్ణమ్మ ఆదరిస్తే చాలు
కడుపు నిండా బువ్వ, కంటి నిండా నిద్ర
కలిమి కాదా శివా కలిగినోడికన్న
ఉంటాను ఈ రాత్రి నీ దేవళాన
కన్నోళ్ల కలలను కళ్లతో చూడాలని
ఓ శివయ్యా
ఓం నమః శివాయ