S ,7 à 8 RSCA (si SASPAS) et 6 cialis pharmacie cialis rapports de stage.

ఆదివారం

ఆగ్నేయంలో మెట్లు

పి.ఎస్. (గుంటూరు)
ప్రశ్న: మేం ఒక అపార్ట్‌మెంట్‌లో నైరుతి భాగంలోగల ఫ్లాట్‌లో ఉంటున్నాం. కానీ ఇందులోకి వచ్చిన దగ్గర నుండి నాకు ఆరోగ్యం బాగుండటం లేదు.
జ: మీ ఫ్లాట్‌కి ఆగ్నేయ భాగంలో దిగే మెట్లు ఉన్నాయి. అందువల్లనే ఆడవారికి ఆరోగ్యపరంగా సమస్యలు ఉన్నాయి. అదే విధంగా మెట్ల మధ్యలో లిఫ్ట్ కూడా ఉంది. ఇదొక దోషం. ఆగ్నేయ దోషాలు ఉంటే అవి ఆడవారి మీద ప్రభావం చూపుతాయి. కావున ఆ ఆగ్నేయ దోష నివారణ కోసం యంత్రాలను ప్రతిష్టించుకొని నివారణ పొందగలరు.

కాత్యాయని (విజయవాడ)
ప్రశ్న: మేం ఒక స్థలం కొన్నాం. అందులో ఇంటి నిర్మాణం చేద్దామని 2 సం.లుగా అనుకొంటున్నాం. కానీ ఆ పని జరగడం లేదు. ఏదో ఒక కారణంతో వాయిదా పడుతోంది?
జ: మీ స్థలానికి ఉత్తర వాయవ్య భాగం 5 అడుగుల మేర పెరిగి ఉంది. అది ఒక కారణం. అదే విధంగా ఉత్తర వాయవ్యంలో చిన్న రోడ్డుపోటు ఒకటి ఉంది. ఇది మరో కారణం. ముందుగా పెరిగిన వాయవ్య భాగాన్ని వేరుచేస్తూ ఒక ప్రహరీగోడ నిర్మాణం చేయండి. తర్వాత వాయవ్య వీధి పోటు నివారణ యంత్రాన్ని ప్రతిష్ఠించుకోండి. దీనివల్ల వీధి పోటు దోషం తగ్గి మీ ఇంటి నిర్మాణం మొదలవుతుంది.

మల్యాద్రిరెడ్డి (కాకినాడ)
ప్రశ్న: కొత్త ఇంటి నిర్మాణం చేపట్టి రెండు సంవత్సరాలైంది. కొన్ని రోజులు పని సాగుతుంది. మరలా కొన్ని రోజులు పని ఆగిపోతుంది. ఎంత ప్రయత్నించినా ఇంటి పని త్వరగా పూర్తి కావడంలేదు.
జ: మీ ఇంటికి సంబంధించి కట్టుబడిలో పెరిగిన దక్షిణ నైరుతిని వేరు చేయండి. అలాగే స్థల దోషం కూడా ఉంది. దోష నివారణ చేయించుకోండి. తిరిగి మీ ఇంటి నిర్మాణం వేగవంతం అయి పూర్తవుతుంది.

వి.వినాయకరావు (నిజామాబాద్)
ప్రశ్న: కొత్తగా ఇంటిని నిర్మించి గృహ ప్రవేశం చేశాం. కానీ ఈ ఇంటికి వచ్చిన దగ్గర నుండి మానసిక ఆందోళనలు, భయాలు ఎక్కువగా కలుగుతున్నాయి. అసలు నిద్ర అనేదే మాకు కరువైంది.
జ: మీ ఇంటికి సంబంధించి నైరుతిలో దోషాలు ఉన్నాయి. అలాగే మీరు ఇంటిని నిర్మించిన స్థలానికి సంబంధించి ‘శల్య వాస్తు’ దోషాలు ఉన్నాయి. మీ ఇంటికి నైరుతిలోగల టాయిలెట్‌ను తీసివేయండి. దీనివల్ల మీకు గల సమస్యలు తొలగిపోతాయి.

వై.వి.కృష్ణారావు (మునగాల)
ప్రశ్న: మేము ఒక హోటల్ వ్యాపారం మొదలుపెట్టి చాలా లాభాలు గడించిన తర్వాత ఒక కొత్త ఇంటిని కొనుగోలు చేశాము. అప్పటి నుండీ మాకు అన్నీ నష్టాలే కష్టాలే. భాగస్వాముల మధ్య గొడవలు. అలాగే పనివాళ్లతో సమస్యలు. ఇక పనివాళ్లు ఎక్కువకాలం మా దగ్గర పని చేయడం లేదు. దీనికి మా హోటల్ నిర్వహించే స్థలం వాస్తు ప్రభావమా?
జ: కొత్తగా కొనుగోలు చేసిన ఇంటికి ఆగ్నేయ దోషాలు, నైరుతి దోషాలు ఉన్నాయి. అందువల్లనే మీకు ఇలా నష్టాలు, కష్టాలు వస్తున్నాయి. ముందుగా ఆ ఇంటి యొక్క ఈ రెండు దోషాలను నివారించుకోండి. అలాగే మీరు హోటల్ నిర్వహిస్తున్న స్థలానికి/ భవనానికి/ మీ వ్యాపారానికి నరదృష్టి దోషాలు ఉన్నాయి. కావున ఆ దోష నివారణ కూడా చేసుకోండి. తద్వారా మీ వ్యాపారం తిరిగి లాభాల బాట పడుతుంది.

-వాస్తు శిఖామణి చివుకుల రాఘవేంద్ర శర్మ -96 42 70 61 28