వేయాలి కవి మెడలో
వాస్తవ స్పందనలతో
సువాసనల పూలదండ

అతి పొగడ్తలతో
తగిలించకూడదు
కవికి గుదిబండ

కప్పిన నిరాడంబరపు
శాలువలే కవికి మెరుపుల
శోభాయమాన గండభేరుండ

సంయమన కవిత్వమే
కవికితేనెల నిండుకుండ
కవిని కొనియాడదగు
బంగారుకొండ

కుప్పలు తెప్పలుగ
రాసిన రాశీ కవిత్వం
కవి సాహిత్యానికి
ఓ విమర్శనాస్త్రాల సవతి

ఆత్మస్తుతియన్నది
కవికి అతిశయోక్తి
నియమిత వాసి కవిత్వమే
కవికి అందాలాభరణ విఖ్యాతి

అలాంటి కవులందరికి
నమోస్తుతి నా నమోస్తుతి