నీ పాటల పల్లకిలో
పట్టపు రాణినై ఊరేగాలి

నీ నవ్వుల తోటలో
పారిజాత పువ్వై పరిమళించాలి

నీ గుండె గూటిలో
పసిపాపనై ఒదిగిపోవాలి

నీ నిండు మనస్సులో
పండు వెనె్నలై కురవాలి

నీ చేతి స్పర్శలో
సిగ్గుమొగ్గై మురవాలి

నీ పలుకుల సరిగమలో
దేవనర్తకినై నాట్యమాడాలి

నీ ఆలంబనల కొమ్మకు
ఆత్మీయ తీగనై అల్లుకోవాలి

నీ నులి వెచ్చటి ఊపిరిలో
గాలినై కలిసిపోవాలి

నీ ఒడి అమృతం తల్పంమీద
లిప్తకాలంపాటు నిద్దుపోవాలి

నీ వేలు పట్టి ఏడడుగులు కాదు
ఏడేడుజన్మలు కలిసి నడవాలి

నాదన్నది సర్వస్వం
నీకు అంకితమిచ్చుకోవాలి

ప్రియసఖుడా!
ఈ చిన్నదాని విన్నపాలు మన్నించి
నీదానిగా చేసుకుంటావు కదూ?