గిరిజనం
మునిగినా
గిరిజన గూడేల ముంచినా
నోరు మెదపని మైదానోళ్లం

పోలవరం కట్టేద్దాం
డబ్బులు వెదజల్లుదాం
సంస్కృతిని నాశనం చేద్దాం
వాడి ఉనికినే పాతరేద్దాం

వాడు మాత్రం అదే లోయల్లో
పైకో కిందికో జరుగుతూ
అక్కడే ఆవాసం
అడవి వాడి సావాసం

అల్లంతదూరాన
మునిగిపోతున్న పడవ
మైదానాపోళ్లు మునకేస్తుంటే
తల్లడిల్లిన వాడు
హుటాహుటిన వాడు
సుడులు తిరుగుతున్నా
ప్రాణ రక్షణకై ప్రాణాలకి తెగించినాడు

దునియా ముట్టి పే
నహీ హై వహా
వాడే దిక్కు అచ్చోట

వాడి కోసం నువ్వు ప్రశ్నించకపోయినా
వాడు నీ కోసం
ఎవడు నాగరికుడు?!