ఉషోదయం
Published Sunday, 9 February 2020కదులుతున్న మేఘాలలో
ఆకాశం తేలిపోతూ వుంటుంది
దూరంగా సముద్రం
ప్రశాంతంగా కనబడుతుంది
హిమశిఖరాలు
సూర్య కిరణాల పరావర్తనంలో
మెరిసిపోతుంటాయి
కీకరారణ్యాలు
పచ్చని వలువలు కప్పుకుని
సేదతీరుతుంటాయి
సెలయేరుల గలగలల్లో
వీనులవిందైన
సంగీతం వినబడుతూ వుంటుందిః
తెల్లని కొంగల గుంపొకటి
గగనాన సాగిపోతూ వుంటుంది
ఆలోచనలు ముసురుకున్న
మనసులో
ఉషోదయాలు వెలుగు చూస్తుంటాయి