S ,7 à 8 RSCA (si SASPAS) et 6 cialis pharmacie cialis rapports de stage.
అవీ .. ఇవీ..
జపాన్కు చెందిన మాజీ పోలీసు అధికారి మసావోగుంజికి చిన్నపిల్లల ఆటవస్తువులు, వారు వాడిని అరుదైన సామాన్లు సేకరించడం అలవాటు. గత 35 సంవత్సరాలుగా దాదాపు 5169 హల్లో కిట్టీ సామాన్లు సేకరించాడు. వాటిని అందంగా అమర్చడం కోసం ఓ ఇల్లుకూడా కట్టాడు. భార్య సహాయంతో వాటిని సేకరించినట్లు గుంజి చెబుతున్నాడు.
చికాగో నదిలో దాదాపు 60వేల రబ్బర్ బాతు బొమ్మలను ఈమధ్య వదిలారు. వాటిలో ఏ బొమ్మయితే ముందుగా నిర్ణయించిన ఫినిషింగ్ లైన్ను తాకుతుందో ఆ బొమ్మ యజమాని ప్రైజ్ మనీ గెలుచుకుంటారు. ఇల్లినాయిస్ ఒలింపిక్స్ కోసం విరాళాల సేకరించేందుకు ఏటా ఈ విండ్సిటీ రబ్బర్ డక్ డెర్బీ పేరుతో ఓ పోటీ నిర్వహిస్తారు. ఒక్కో బొమ్మ 5 డాలర్లకు విక్రయిస్తారు. వాటిని కొన్నవారి పేరుతో అవి ఉంటాయి.
కళాప్రపంచం ఇప్పుడు కొత్త పుంతలు తొక్కుతోంది. సృజనకు ప్రాధాన్యం ఇస్తున్నారు. గుండుసూది నుంచి మొబైల్ ఫోన్ వరకు, జంతువుల నుంచి గ్రహాల వరకు దేనినైనా స్ఫూర్తిగా తీసుకుని, రంగులద్దుకుని, వాటిలా అలంకరణ చేసుకుని తమదైన శైలిలో పోటీకి వస్తున్నారు పలువురు కళాకారులు. ఆస్ట్రియాలోని క్లంగెన్ఫర్ట్లో జరుగుతున్న ‘వరల్డ్ బాడీ పెయిటింగ్ ఫెస్టివల్’ అందుకు ఉదాహరణ.
ఇంగ్లండ్లోని బ్రిస్టల్లో ఇప్పుడు చిత్రకళావైభవం కళాభిమానులను అలరిస్తోంది. యూరోపియన్ యూనియన్లోనే అతి పెద్దదైన ‘స్ట్రీట్ ఆర్ట్ ఫెస్టివల్’ ఇప్పుడు అక్కడ నిర్వహిస్తున్నారు. యూరప్లోని వివిధ దేశాల నుంచి పెద్ద సంఖ్యలో కళాకారులు వచ్చి బ్రిస్టల్లోని పలు భవంతుల గోడలు, వీధులు, సైన్బోర్డులు, ఎక్కడ అవకాశం ఉంటే అక్కడ బొమ్మలు వేస్తున్నారు.
సముద్రాలు, వాటిపై ఆధారపడి మనుగడ సాగించే జీవరాశి పరిరక్షణ కోసం తపించే ఫొటోగ్రాఫర్ గైగాపిరా. తీరాలవెంబడి తిరుగుతూ ఫొటోలు, వీడియోలు తీయడం అతడి హాబి. మెక్సికో తీరంలో అలా వెళుతూ ఓ ద్రోన్ సహాయంతో తీసిన చిత్రం ఇది. మనుషుల జీవితంలో నీలినీడ అన్న అర్థం వచ్చేరీతిలో ఈ పోటీకి కాప్షన్ పెట్టాడు. ‘ఐఎమ్’ అనే సంస్థ నిర్వహిస్తున్న ఫొటోగ్రఫీ పోటీకి గైగా పంపిన చిత్రాల్లో ఇదొకటి.
కెనడా 150వ వార్షికోత్సవం సందర్భంగా ఒట్టావాలో ఓ అద్భుత ప్రదర్శన ప్రజలను అలరించింది. చైనా పురాణాల్లో చెప్పుకునే జెయింట్ డ్రాగన్ (సగం డ్రాగన్, సగం గుర్రంలా), జెయింట్ స్పైడర్లను పోలినట్లుండే మెషిన్ల మధ్య ఉత్కంఠ రేపే పోరాట సన్నివేశాలు ఒట్టావాలో నడిరోడ్డుపై నాలుగు రోజుల పాటు ప్రజలను అలరించాయి. ఫ్రాన్స్ చెందిన లా మెషిన్స్ అనే సంస్థ, కెనడా ప్రభుత్వం సంయుక్తంగా ఈ పోటీని నిర్వహించాయి.
జర్మనీలోని గలెండ్లో ప్రతిష్టాత్మక ‘సెనిక్బ్రిడ్జ్’ను చూసిన ఫొటొగ్రాఫర్ లోరెంజ్ హోల్డర్ ప్రత్యక్షంగా దానిని చూడాలని అనుకున్నాడు. తన మిత్రుడు, అథ్లెట్ సె నడ్ గ్రోసిక్తో కలసి అక్కడికి వెళ్లాడు. సెనెడ్ ఆ బ్రిడ్జ్పై సైకిల్తో వెడుతున్న సందర్భంలో ఎలాంటి ఫొటోలు తీయాలా అని లోరెంజ్ ఆలోచిస్తున్న సమయంలో ప్రకృతి కూడా సహకరించింది.
చైనాలోని ‘దతాంగ్’లో 1500 ఎకరాల్లో ఏర్పాటు చేసిన ఈ సోలార్ పవర్ ప్లాంట్లోని సోలార్ ప్లేట్స్ను ఇలా పాండా రూపం వచ్చేలా ఏర్పాటు చేశారు. యునైటెడ్ నేషన్స్ డెవలప్మెంట్ ప్రొగ్రామ్ కింద చైనాకు చెందిన పాండా గ్రీన్ ఎనర్జీ సంస్థ ఈ మెగా ప్రాజెక్టును చేపట్టింది. వేలాది సోలాన్ ప్యానల్స్ను ఇలా పాండా రూపం వచ్చేలా పెట్టి విద్యుత్ ఉత్పత్తి చేస్తున్నారు.
అందంగా, రాజసంతో జారాడిన ఈ కర్టెయిన్ బాగుంది కదూ! ఇది పూర్తిగా భవన నిర్మాణంలో వాడే ఒక తరహా పేపర్తో తయారు చేసినది. ఇక్కడే కనిపిస్తున్న మరికొన్ని అందమైన నిర్మాణాలూ అలాంటి పేపర్తో చేసినవే. నమ్మలేకపోయినా అది నిజం. అమెరికా భవన నిర్మాణ రంగంలో పేరుగాంచిన స్టూడియో గాంగ్, అమెరికా నేషనల్ బిల్డింగ్ మ్యూజియం అనే సంస్థ నిర్వహించే సమ్మర్ బ్లాక్ పార్టీలో ఈ కళాఖండాలను ఆవిష్కరించనున్నారు.
ఫ్రాన్స్లోని బోర్డియాక్స్ నగరంలోని ‘పెస్సాక్’ జంతు ప్రదర్శన శాలలో ఓ పులి చేపను ఇలా వేటాడింది. ఆ జూలో ప్రత్యేకంగా ఏర్పాటు చేసిన వంద క్యూబిక్ మీటర్ల విస్తీర్ణంలోని ఓ పూల్లో ఇలా పులి చేపను వేటాడింది. సందర్శకుల కోసం ఈ ప్రత్యేక పులి-పూల్ ఏర్పాటు చేశారన్నమాట. అన్నట్లు ఈ తీరప్రాంత నగరం ఓ టూరిస్ట్ స్పాట్.