* ఆసియాలో అతిపెద్ద గిరిజన జాతరగా మేడారంలో రెండేళ్లకు ఒకసారి జరిగే సమ్మక్క-సారక్క జాతరను చెబుతారు. దాదాపు రెండు కోట్ల మంది భక్తులు ఈ జాతరకు హాజరవుతారని అంచనా. ఐదు రాష్ట్రాల నుంచి ప్రజలు వస్తారు. జాతర నాలుగు రోజులే జరిగినా అంతకుముందు నుంచే జనం అడవులమీదుగా మేడారం చేరుకుంటారు.

మేడారం జాతర అంటే గిరిజన సంస్కృతి సంప్రదాయాల వైభవం. గద్దెలపైకి సమ్మక్క సారలమ్మను తోడ్కొని వచ్చినపుడు తమపైనుంచి పూజారులు నడచివెళ్లాలని ఇలా భక్తులు పడుకుని ఉండటం ఓ భక్తిపారవశ్యపు సన్నివేశం. గద్దెపై అమ్మవారి (భరిణ)ని చేర్చి పూజించడం జాతరలో కీలక ఘట్టం. అమ్మవారికి మొక్కులు తీర్చుకోవడంలో ‘బంగారం’ (బెల్లం) సమర్పించడం ఆనవాయితీ. ఈ జాతరవేళ కొందరు పూనకంతో ఊగిపోవడం జాతరలో కనిపించే మరో భక్తితత్త్వం.

ప్రపంచం అంతటా ప్రతి ఏటా కొత్త సంవత్సరం.. కుల, మత, ప్రాంత వర్గ దేశ సరిహద్దు ఎల్లలు లేకుండా అందరికీ వస్తుంది. అయితే విజయవాడ నగర వాసులకు మాత్రం ఈ కొత్త సంవత్సరం ఏకంగా పుస్తకాల పండుగనే తన వెంట తీసుకువస్తుంది. ఒకటిరెండేళ్లు కాదు.. గడచిన 29 సంవత్సరాలుగా విజయవాడ పుస్తక మహోత్సవం నగర ప్రజల జీవితాల్లో మమేకమైంది.

లోకంలో ఆధునిక పోకడలు పొడసూపుతున్నాయి. పూర్వకాలంలో అప్పటి అవసరార్థం కనుగొన్న పరిశోధనలన్నీ పాతవవుతున్నాయి. వాటి స్థానంలో కొత్త పరిశోధనలు ఆవిష్కృతమవుతున్నాయి. ఈ పరిశోధనలే మానవుని దిశ దశ మారుస్తున్నాయి. ఎన్ని పరిశోధనలు వచ్చినా అప్పటికీ ఎప్పటికీ మారనిది పుస్తకం మాత్రమే. పుస్తకం అంటే కాయితాల గుత్తి కాదు. విజ్ఞాన భాండాగారం. అందులో ఎన్నో విజ్ఞాన విశేషాలు నిక్షిప్తం అయి ఉంటాయి.