S ,7 à 8 RSCA (si SASPAS) et 6 cialis pharmacie cialis rapports de stage.
వినదగు!
‘ప్రార్జునుడు కృష్ణుడితో మాట్లాడినట్లు మనమూ ఆ కృష్ణుడితో మాట్లాడగలమంటారా?’ చైతన్య ప్రశ్న.
‘కృష్ణుడనే కాదు, వ్యాస వాల్మీకులే కాదు.. యోగ ప్రజ్ఞకు ప్రతీకలైన ఏ మహాత్ములతోనైనా, భౌతికంగా లేకపోయినా, కాలాతీతంగా మాట్లాడవచ్చు... యోగ ప్రజ్ఞతో ‘ఒన్‌నెస్’ సాధ్యమైననాడు. ఒన్‌నెస్ అంటే పర అపర కలిసిపోవటం.. ఒకే చైతన్యంగా పరిణమించటం.. భిన్నం అభిన్నం అయి ఏకం కావటం.. ఈ ఏకత్వమే ఈ సంయోగమే యోగం.
‘ప్రాపంచిక ప్రలోభాలకు లోబడకుండటమే యోగం. అలా భౌతిక ఆసక్తుల నుండి విడివడ్డవాడే యోగి. సామాన్యంగా సన్యాసం అంటే సంసారాన్ని విసర్జించటం అని. నిజానికి సంసారం అంటే భార్యాభర్తల బంధం. ఆ బంధం పిల్లలతో విస్తృతం కావటం. బంధుగణంతో పరివ్యాప్తం కావటం అనే కాదు.. ఈ భౌతిక బంధాల బాధ్యతల మధ్య నుండి సైతం ప్రాపంచిక వ్యామోహాలను త్యజించటమే సన్యాసం. ధ్యాన యోగం వల్ల ఇది సులభ సాధ్యమవుతుంది.
‘తత్రైకాగ్రం మనః కృత్వా యత చిత్తేంద్రియ క్రియః
ఉప విశ్వసనే యుంజ్యాత్ యోగ మాత్మ విశుద్ధయే’
మానసిక పర ఏకాగ్రత, చాంచల్యచిత్త నిరోధత, ఇంద్రియ క్రియల కట్టడి - ఫలితం త్రికరణశుద్ధి.
త్రికరణ శుద్ధికై ఉపక్రమించి నిత్య సాధనతో పురోగమిస్తుండటమే యోగం.
* * *
‘హృదయ క్షేత్రమే ఆత్మ స్థావరమట కదా?!’
చైతన్య తెరచిన పుస్తకం అవుతున్నాడు.
‘అవును. అంత మాత్రాన హృదయాన్ని ఆత్మ ఆవరించుకుని ఉంటుందని కాదు.’
నా సమాధానం ముగియక ముందే చైతన్య ‘అంటే ఆత్మ పొదువుకున్నది హృదయం కాదా?’
మరణం తర్వాత సరాసరి స్వర్గానికే చేరతామన్న విశ్వాసాన్ని ఎవరు ఎంతలా మనలో పాదుకొల్పినా ఆ స్వర్గ సుఖం అనుభవించిన తర్వాతనైనా మరణం ఉండదన్న గ్యారంటీ ఇస్తారా? అని అడుగుతాం. ఇదీ మన సైకాలజీ... మృత్యువును గురించిన భయం. ఈ దేహ స్థితిపైన ప్రేమ.. మమకారం.. ప్రాపంచికతపై మోజు - తీరనంత కాలం, వియోగం పుట్టనంత వరకు - మృత్యువు ‘్భయం’కరంగానే కనిపిస్తుంటుంది. మృత్యు రాహిత్య స్థితిని గురించిన తపన పెరుగుతూనే ఉంటుంది.
‘భగవద్గీతను యోగ శాస్త్రంగానే పరిగణించాలంటారా?’
నా వ్యాఖ్యానాలతో ఏకాభిప్రాయానికి వచ్చినట్లుగా చైతన్య ప్రశ్న.
‘నాకు నేనుగా ఉండలేనా?’
కలిసిన ప్రతిసారి చైతన్యం ఇలాగే ప్రశ్నిస్తుంటాడు.
చైతన్యకు అవి ప్రశ్నలు కావచ్చు కానీ నాకు మాత్రం అవి ప్రశ్నల్లా అనిపించవు. అది ఆరాటం... తపన.
నిజానికి, ఈ ప్రశ్నలు చైతన్య ఒక్కడిదే కాదు, తన తరానికి చెందిన ఆరాటమే కాదు.. అది తరతరాల తపన.
తపనకు సమాధానం తపస్సు, యోగ సాధన తప్ప మాటల అల్లిక కాదు... ఆలోచనల గూడూ కాడు.
మనం మన ఇంద్రియాలకు, మన మనస్సుకు, మన మేధకు అనుచరులమే! అవి కొలువున్న మానవ దేహం, మానవ అవతారం మనది. ఒక విధంగా ఈ మానవ అవతారమే ఒక అయోమయ అసందిగ్ధ స్థితి. సంఘర్షణల స్థావరం. ఒక గందరగోళ వ్యవస్థ ఈ మానవ ఉనికి. కాబట్టి అనుచరత్వం నుండి నాయక తత్వంలోకి పరిణమించాలంటే ఈ ఇంద్రియాలకు, మనస్సుకు, మేధకు అతీతం కావలసిందే! అంటే, వాటి చెప్పుచేతల్లోంచి విడివడాల్సిందే!
జన్మతః సిద్ధించింది జ్ఞానం.
జీవన పోరాటంలో అంది వచ్చింది విజ్ఞానం.
ఇహ పర జీవన సాధనా ఫలితం ప్రజ్ఞానం.
అంటే, సంపూర్ణ పరిణితి విస్తృత సంకేతం ప్రజ్ఞానం.
ఇటువంటి ప్రజ్ఞానమూర్తి గీతా కృష్ణుడు.
‘బుద్ధ్యా విశుద్ధయా యుక్తో ధృత్యాత్మానం నియమ్య చ
శబ్దాదీన్ విషయాన్ త్యక్త్వా రాగద్వేష వ్యుదస్య చ’
‘అహంకారం బలం దర్పం కామం క్రోధం పరిగ్రహమ్
విముచ్య నిర్మమః శాంతో...’
‘సమం సర్వేషు భూతేషు...’
‘సర్వ కర్మాణ్యసి సదా కుర్వాణో...’ అంటూ ‘పురుషోత్తమ యోగం’ అనే పేరుతో ఇహ - పర నాయకత్వ లక్షణాలను అర్జునుడి ముందుంచుతాడు కృష్ణుడు.