అందాల భామ కాజల్ అగర్వాల్ రోల్ మోడల్ ఎవరో తెలుసా? తన అమ్మేనట. రోల్ మోడలే కాదు, తన గైడ్, స్ట్రెంగ్త్ కూడా తన మదరే అని ఎంతో మురిపెంగా చెబుతోంది. తెలుగు, తమిళ భాషల్లో క్రేజీ స్టార్‌గా తనకంటూ ఓ ప్రత్యేకతను నిలబెట్టుకున్న ఈ అమ్మడు సైలెంట్‌గా సోషల్ మీడియాలో బోల్డెంత క్రేజీ ఫాలోయింగ్‌ని సంపాదించేసింది. ఫేస్‌బుక్‌లో కాజల్ ఫాలోయర్ల సంఖ్య అక్షరాలా రెండు కోట్ల నలభై లక్షల మంది అట.

‘రాజా ది గ్రేట్’ చిత్రంతో మంచి విజయాన్ని అందుకున్న రవితేజ, ప్రస్తుతం విక్రమ్ సిరి దర్శకత్వంలో ‘టచ్ చేసి చూడు’ చిత్రంలో నటిస్తున్నారు. మాస్ ఎంటర్‌టైనర్‌గా తెరకెక్కుతున్న ఈ చిత్రంలో రాశీఖన్నా, సీరత్‌కపూర్ కథానాయికలుగా నటిస్తున్నారు. ఈ నెలలోనే చిత్రం ప్రేక్షకుల ముందుకు రానుంది. ఈ సినిమా తరువాత కళ్యాణ్ కృష్ణ దర్శకత్వంలో ‘నేల టికెట్’ చిత్రం చేయనున్నాడు.

‘‘చాలామంది సినిమా నేపథ్యం వున్న కుటుంబాల నుండి వచ్చిన తారలకు ఆడిషన్స్ అవసరం లేదనుకుంటారు. కానీ నా విషయంలో అలా జరగలేదు. ఎన్నో ఆడిషన్‌లకు వెళ్లాను. ఎంతోమంది నన్ను తిరస్కరించారు. ఆ బాధ నాకు తెలుసు. నా జీవితంలో ఏదీ సులభంగా జరగలేదు’’ అంటూ బాధను వ్యక్తం చేస్తోంది బాలీవుడ్ భామ శ్రద్ధాకపూర్. మంచి కుటుంబం నుండి వచ్చినా సినిమా అవకాశాలు తనకు రావటానికి చాలా సమయం పట్టింది అని చెబుతోంది ఈ అమ్మడు.

సినిమా రంగంలో హీరోలు హీరోయిన్లమధ్య ప్రేమాయణాలు సర్వసాధారణమే. ఇప్పటికే ఎన్నో ప్రేమకథలను వినే వున్నాం. తాజాగా మరో బాలీవుడ్ భామ ఓ హీరోతో ఘాటు ప్రేమాయణం సాగిస్తోందన్న వార్త హల్‌చల్ చేస్తోంది. ఇంతకీ ఆ హీరోయిన్ ఎవరంటే, హాట్ హాట్ అందాలతో షాక్‌లిచ్చే అతిథిరావు హైదరి. ఈ భామ కొన్ని రోజులుగా పర్హాన్ అక్తర్‌తో ప్రేమాయణం సాగిస్తోందట.