S ,7 à 8 RSCA (si SASPAS) et 6 cialis pharmacie cialis rapports de stage.

03/21/2019 - 13:41

హైదరాబాద్ : ఉమ్మడి ఆంధ్ర ప్రదేశ్ గవర్నర్ నరసింహాన్, తెలంగాణ ముఖ్యమంత్రి కేసీఆర్ ప్రజలకు హోలీ శుభాకాంక్షలు చెప్పారు. పవిత్రమైన హోలీ పండుగ ప్రజలకు శాంతి సౌభాగ్యాలను, సుఖసంతోషాలు ఇవ్వాలని వారివురు తమ సందేశాల్లో ఆకాంక్షించారు.

03/21/2019 - 13:35

నిర్మల్ : జిల్లాలోని బాసర శ్రీజ్ఞాన సరస్వతి సన్నిధిలో ఓ సైకో హల్‌చల్ సృష్టించాడు. రెండు కత్తులను వెంట తీసుకొని వచ్చిన ఆ సైకో.. ఆత్మహత్య చేసుకునేందుకు యత్నించాడు. దీన్ని గమనించిన హోంగార్డ్స్ అతన్ని పట్టుకొని పోలీసులకు అప్పగించారు. ఆత్మహత్యాయత్నానికి పాల్పడిన వ్యక్తిని నిజామాబాద్ జిల్లాకు చెందిన వ్యక్తిగా పోలీసులు గుర్తించారు.

03/21/2019 - 12:26

న్యూఢిల్లీ: రాష్టప్రతి రామ్‌నాథ్ కోవింద్, ప్రధాని నరేంద్ర మోదీ దేశ ప్రజలకు హోలీ శుభాకాంక్షలు చెప్పారు. పవిత్రమైన హోలీ పండుగ కరుణకు నిదర్శనమని, ఐక్యతను చాటిచెబుతుందని వారివురు తమ సందేశాల్లో పేర్కొన్నారు. ప్రజలకు శాంతి సౌభాగ్యాలను ఇవ్వాలని ఆకాంక్షించారు.

03/21/2019 - 12:24

శ్రీనగర్: జమ్మూకాశ్మీర్ ఉద్దంపూర్ బెటాలియన్‌లోని 187 క్యాంపులో దారుణం చోటుచేసుకుంది. సహనం కోల్పోయిన ఓ సీఆర్పీఎఫ్ జవాన్ తనతో పాటు విధుల్లో వున్న జవాన్లపై కాల్పులకు తెగబడ్డాడు. ఈ కాల్పుల్లో ముగ్గురు సహచరులు మృతిచెందారు. కాల్పులకు పాల్పడిన జవాన్ ఆ తరువాత తనను తాను కాల్చుకుని చనిపోయాడు. అజిత్‌కుమార్ అనే సీఆర్పీఎఫ్ జవాన్‌తో తోటి సహచరలు గొడవకు దిగారు.

03/21/2019 - 12:22

చెన్నై: పేపరు చదువుతూ అన్నాడీఎంకే ఎమ్మెల్యే కనగరాజ్ గుండెపోటుతో చనిపోయారు. తమిళనాడు రాష్ట్రంలోని సూళ్లూరు నియోజకవర్గం నుంచి ఎన్నికైన కనగరాజ్ గురువారం ఉదయం దినపత్రిక చదువుతూ గుండెపోటు రావటంతో మృతిచెందారు. కాగా 2016 మేలో జరిగిన ఎన్నికల తరువాత తమిళనాడులో మృతిచెందిన శాసనసభ్యుల సంఖ్య 22కి చేరింది.

03/21/2019 - 12:20

వాషింగ్టన్: ఉగ్రవాద సంస్థలైన జైషే మహ్మద్, లష్కరే తోయిబా వంటి సంస్థలపై నిర్దిష్టమైన చర్యలు తీసుకోవాలని పాకిస్థాన్‌కు అమెరికా హితవు పలికింది. మరోసారి భారత్‌పై దాడిజరిగితే పర్యవసానాలు తీవ్రంగా ఉంటాయని హెచ్చరించింది. ఈ మేరకు వైట్‌హౌస్ అధికారి ఒకరు విడుదల చేసిన ప్రకటనలో ఉగ్రవాద నిర్మూలనకు పాక్ పటిష్టమైన చర్యలు తీసుకోవాలని, పాక్ చేపడుతున్న చర్యలను ఇపుడే అంచనా వేయలేమని అన్నారు.

03/21/2019 - 12:18

న్యూఢిల్లీ: దేశవ్యాప్తంగా హోలీ సంబరాలు జరుపుకున్నారు. రంగులు చల్లుకుంటూ యువత కేరింతలు కొట్టింది. హోలీ ముందురోజు నిర్వహించే కామదహనం కార్యక్రమాన్ని గుహవాటిలో ఘనంగా నిర్వహించారు. పెద్ద సంఖ్యలో హాజరైన ప్రజలు పిడకలతో చేసిన కాముడ్ని దహనం చేశారు. పాట్నాలో హోలీలో దేశభక్తిని మేళవించారు. జేషే మహ్మద్ ఉగ్రవాద సంస్థ చీఫ్ మసూద్ అజార్ నిలువెత్తు దిష్టిబొమ్మలను దహనం చేసి భారత్‌మాతాకి జై అని నినాదాలు చేశారు.

03/21/2019 - 04:30

సింగపూర్: భారత్ వౌలిక సదుపాయాల ప్రాజెక్టులు భారత్‌లో పెట్టుబడులు పెట్టేందుకు ముందుకు రావడం పట్ల ఇండోనేషియా కంపెనీలు స్వాగతిస్తున్నాయి. రెండవ భారత్ ఇండోనేషియా వౌలిక సదుపాయాల ఫోరం సదస్సులో ఇండియన్ కంపెనీల సీఈవోల సదస్సు జరిగింది.

03/21/2019 - 04:29

కేసముద్రం, మార్చి 20: విజయవాడ- కాజీపేట జంక్షన్ల మధ్య బుధవారం ఉదయం సింగరేణి, మణుగూర్ ప్యాసింజర్ల రద్దు.. ఇంకో వైపు గోల్కొండ మూడు గంటలకు పైగా ఆలస్యంగా నడవడంతో ప్రయాణికులు తీవ్ర ఇబ్బందులు పడాల్సి వచ్చింది.

03/21/2019 - 04:29

ఇంఫాల్: ఏటా రెండు కోట్ల ఉద్యోగాలు ఇస్తామంటూ గుప్పించిన హామీలు ఏమయ్యాయని ప్రధాని నరేంద్ర మోదీని ఏఐసీసీ అధ్యక్షుడు రాహుల్ గాంధీ నిలదీశారు. ఇక్కడ జరిగిన పబ్లిక్ ర్యాలీలో పాల్గొన్న ఆయన మాట్లాడుతూ గత ఏడాది సుమారు కోటి ఉద్యోగాలను మోదీయే తీయించేశారని ధ్వజమెత్తారు. ఉద్యోగ కల్పనకు హామీ ఇచ్చిన బీజేపీ అధికారంలోకి వచ్చిన వెంటనే ఉన్న ఉద్యోగాలను కూడా తీసివేశారంటూ ఆరోపించారు.

Pages